雲壽司 (已結業)

做左雲壽司會員之後都幾常黎食🤣鍾意佢個omakase 抵食得黎又高質❤️.🍴雲 kumo $480-刺身4點(象拔蚌, 鮫鰈魚, 深海池魚, 拖羅) 刺身每款有2件，鮮味又厚切，最欣賞係佢個鮫鰈魚卷，鮫鰈魚刺身卷埋鰈魚腩，肉質豐潤嫩滑；象拔蚌肉質爽口彈牙；拖羅肥美入口即溶。.-壽司7件(活北寄貝, 北海道甜蝦, 伊佐目, 北海道海膽, 金目鯛, 吞拿魚醬油漬, 吞拿魚腦天)壽司方面舊飯係偏細，醋味岩岩好。最正係D魚生好新鮮得黎無筋，伊佐目好香又唔腥，吞拿魚腦天都入口即溶好鬼正，😋好新鮮又抵食。另外亦會有手卷同麵豉湯附上。.🍴北海丼 $208同事叫左個北海丼性價比都好高，有齊：吞拿魚腩、油甘魚、赤貝、牡丹蝦、海膽、三文魚、三文魚籽，全部都好鮮味好高質❤️真心好抵食。