雲壽司 (已結業)

- 高質既廚師發辦通常價格不菲，但今次介紹既Omakase就非常親民仲性價比高啦！- 上次就介紹完中環分店既雲壽司，今次就試下太子分店。呢間餐廳同樣由幾位壽司師傅主理，即叫即整。大部分位置都係Bar枱，地方比中環更加闊落，仲可以親眼睇到壽司師傅們握壽司！- 呢間餐廳既食材同樣由日本空運到港，非常新鮮！今次我地叫左鮪魚壽司拼盤🍣、吞拿魚茸手卷同北海丼。- 師傅係我地面前快速手握左鮪魚壽司拼盤同手卷，真係少啲功夫同技術都唔得！而且師傅們非常貼心，會詢問我們夠不夠芥末。- 當中，鮪魚壽司拼盤包括：大吞拿魚腩、中吞拿魚腩、赤身、火炙吞拿魚面頰肉同腦天。- 大拖羅、中拖羅同赤身都為人熟悉，所以今次想講下比較矜貴既火炙吞拿魚面頰肉同腦天。腦天其實係吞拿魚頭頂部既肉，每條吞拿魚都剩係得兩塊，食落非常軟滑同無咩筋，入口即溶，油脂香味大爆發，兼且魚味濃郁。而吞拿魚面頰肉 就相對有彈性，師傅用火槍輕炙後魚油味更加香。- 另外，拼盤仲有蔥吞拿魚蓉手卷，食落蔥味比較突出，配搭比較清新。- 最後，北海丼既醋飯唔會過酸，日本米有嚼勁且黏度適中。聽講係選用左日本宮城縣特A級米（ひとめぼれ），粒粒分明飽滿。- 而丼飯