意粉狂熱 (屯門時代廣場北翼)

營業中

休息中

今晚同朋友去左一間性價比極高嘅西餐廳，木系裝修讓人感到溫馨舒適，座位舒適，意粉款式選擇多，食完大滿足。蒜味芝士雞翼烤過嘅雞翼肉質嫩滑，配埋特製嘅蒜味芥末醬，增添微辣風味，令雞翼更美味。鮭魚親子和風忌廉鮮製意粉今次試咗店員推介新品，用左日本特製白味噌及和風濃汁，帶出鮭魚獨有鮮味，意粉本身口感彈牙，醬汁鹹香味與濃郁忌廉相互融合，必試新品。芝士肉醬千層麵麵片夾住一層層濃郁嘅肉醬，再加上芝士和充滿鮮味嘅鮮蕃茄醬，芝士焗至溶溶地，香氣四溢，口感豐富。明太子海鮮披薩披薩餅皮煙靭薄脆，上面鋪左蝦、帶子等海鮮，用左濃郁嘅明太子醬，香噴噴之餘味道極佳。蝶豆花檸檬冰茶顏色夢幻，飲落去有淡淡嘅花香，檸檬嘅酸爽感，非常清新。