天神食堂 (已結業)

好少有心機寫食評，但呢間真係性價比好高，同埋樣樣野都好岩我口味。同埋我唔鍾意食連鎖果D餐廳，呢間同事喺附近返工介紹，如果唔係都唔發現有間餐廳。初頭入去覺得好奇怪，因為有啲日本風，但又唔知點解好多Marvel公仔，後尾坐低睇Menu先知原來應該係西日餐廳。食物真係冇得輸，最出色係豬鞍，厚得黎好淋滑，一個香煎一個係吉列，兩樣都好出色，串燒方面，不過不失，不過我就鍾意燶D香口D，澳洲肉眼好大塊好厚，咁嘅價錢出邊一定食唔到，老闆最後仲送兩個甜品，我本身對甜品冇乜興趣，但係估唔到有驚喜，個心太軟好濃郁唔會死甜，另外第一次食，老闆話叫蘋果金寶，一凍一熱口感好正。