影片
更多
2023-10-13
58 瀏覽
今日去咗黃埔享膳坊試吓呢間Amber’s Table，之前經過已經覺得幾有情調，鋪面又夠大，想試好耐了！我哋先叫咗兩杯嘢飲，一杯係「椰子咖啡沙冰」（$49），鋪頭係用illy咖啡，呢款意式咖啡味道十分濃厚，倒咗入去甜甜的椰子沙冰度，一冷一熱、一甜一苦嘅口感沖撞非常驚艷，無諗過呢個配搭係咁正！另一杯嘢飲叫咗「棉花糖朱古力奶昔」（$88），呢杯奶昔造型真係一百分！好適合打卡，好鬼夢幻！大棉花糖係以前去夾糖最經典果款，而鋪喺朱古力面上嘅係爆炸棉花糖，食落十分過癮！而朱古力係用Movenpick雪糕打成，好有誠意，甜度十足！到嘢食喇，餐廳先上咗兩個餐包，配上意大利黑醋同橄欖油，開一開胃先！我哋先叫咗一客「藍青口」（$178），呢個青口真係不得了！首先佢係勁大盤，入面有數不盡嘅青口，而兩款青口有唔同嘅口感味道，白青口較為Creamy、易入口，黃青口就較實淨，海鮮味較濃，配上煙肉忌廉汁，成件事又開胃又好食！另外仲有四塊香脆蒜茸包配襯。跟住就到正餐喇！我哋叫咗一客「蘑菇汁帶子幼麵」（$148），蘑菇汁打得十分濃稠，配上自家製嘅幼麵，食落好煙韌彈牙，係平時好少食到嘅意大利麵質感，而刺身帶子用火槍燙過，
之前經過已經覺得幾有情調，鋪面又夠大，想試好耐了！
我哋先叫咗兩杯嘢飲，一杯係「椰子咖啡沙冰」（$49），
鋪頭係用illy咖啡，呢款意式咖啡味道十分濃厚，
倒咗入去甜甜的椰子沙冰度，一冷一熱、一甜一苦嘅口感沖撞非常驚艷，
無諗過呢個配搭係咁正！
另一杯嘢飲叫咗「棉花糖朱古力奶昔」（$88），
呢杯奶昔造型真係一百分！好適合打卡，好鬼夢幻！
大棉花糖係以前去夾糖最經典果款，而鋪喺朱古力面上嘅係爆炸棉花糖，食落十分過癮！
而朱古力係用Movenpick雪糕打成，好有誠意，甜度十足！
到嘢食喇，餐廳先上咗兩個餐包，
配上意大利黑醋同橄欖油，開一開胃先！
我哋先叫咗一客「藍青口」（$178），
呢個青口真係不得了！首先佢係勁大盤，入面有數不盡嘅青口，
而兩款青口有唔同嘅口感味道，白青口較為Creamy、易入口，
黃青口就較實淨，海鮮味較濃，配上煙肉忌廉汁，成件事又開胃又好食！
另外仲有四塊香脆蒜茸包配襯。
跟住就到正餐喇！我哋叫咗一客「蘑菇汁帶子幼麵」（$148），
蘑菇汁打得十分濃稠，配上自家製嘅幼麵，食落好煙韌彈牙，
係平時好少食到嘅意大利麵質感，
而刺身帶子用火槍燙過，有淡淡嘅焦香，同時又保留咗食材嘅鮮味，
成個麵味道均衡，又非常飽肚。
之後就係「煙燻9安士肉眼扒」（$238），
呢塊扒真係超抵食！我哋叫咗五成熟，牛扒一上碟有用蠟燭熱住，
保存溫度，非常貼心。
食嘅時候可以配合上面嘅香草牛油，牛扒一入口，
既有煙燻嘅香味，同時又有極濃重嘅牛味，
而鬆散嘅肉質加上牛油就變得更得順滑，牛脂同油脂一同喺口腔溶解，
香氣十足，真係令人感到無限滿足。
旁邊有海鹽同燒汁可以配搭，但就咁配牛油已經非常出色！
牛扒仲有跟埋薯條，配黑松露醬或者茄汁，一定夠飽！
最後食咗個「梳乎厘」（$188）做甜品，
一嚟到真係嚇親！咁巨型嘅！
應該都夠四個人食，不過我哋兩個人都係食曬，
因為實在太好食喇！蛋香出眾，而且就打得好綿滑，
令人忍唔住一啖又一啖咁食曬佢！
呢間餐廳比想象中更加出色，而且性價比真係好高，好值得一試！
張貼
