東京街日本料理 (西洋菜南街)

營業中

休息中

琴晚去咗位於太子嘅東京街食飯，壽司嘅款式都幾多，我同朋友一份壽司定食同一份丼飯。每份定食會配埋茶豌蒸、沙律菜同麵豉湯。茶豌蒸滑順到爆，散發出濃濃嘅蛋香；沙律菜新鮮脆口，為整餐增添咗一份清新嘅口感；至於麵豉湯，就熱辣辣嘅，暖胃又開胃。壽司定食啦有12件壽司，有帶子、油甘魚、火灸左口魚裙邊、火灸三文魚、火灸美乃滋皇帝蟹、火灸辣味魷魚、火灸三文魚醬油潰、鰻魚同加洲卷。特別推薦帶子壽司，口感鮮甜彈牙；油甘魚肉質鮮嫩，帶有一絲絲的油香；火灸左口魚裙邊略帶燒香，咬落去都幾多汁；火灸辣味魷魚辣辣地又脆口，火灸美乃滋皇帝蟹好粗好大條，食完真係好滿足。另外一份定食係蒲燒鰻魚＋汁燒牛肉飯，蒲燒鰻魚嘅醬汁經過特別調配，散發出誘人嘅香氣，每一口都帶嚟飽滿嘅滿足感；加埋甜甜地嘅汁燒牛肉飯，口感同味道都咁豐富。我哋另外叫咗個蟹籽沙律，有勁多蟹籽、蟹柳同青瓜絲，好refreshing。