Peko Peko Eatery (康怡廣場北座)

營業中

休息中

之前同另一半去完港島東行山之後，盲打盲撞之下偶爾見到呢一間位於喺康怡廣場嘅西餐廳，就決定入去試吓。唔知係咪因為顧客唔多嘅緣故，侍應嘅服務態度都幾好，入到去雖然燈光偏暗，但係環境同衛生都幾好，同埋由於嗰日顧客唔多，都幾寧靜同埋坐得幾舒服。我哋嗰日兩個人嗌咗個二人套餐，咁就包括一份前菜、兩個主菜，同埋我哋就另外加錢嗌咗兩杯嘢飲。前菜就可以一個廣島蠔，我覺得不過不失，主菜就嗌咗一個白酒蜆肉意粉同埋一個忌廉汁龍利扒，我覺得兩個主菜都幾好食，但係我嘅另一半就投訴份量太少 。嘢飲方面就嗌咗西柚冰紅茶同埋蝶豆花茶，賣相同味道都唔錯。最後我哋兩個人食咗大約$500 ，我覺得都還好。