吉列牛忌廉烏冬專門店 (百樂中心) (已結業)

太耐冇出過外國，思鄉既念頭慢慢湧現出來，適逢疫情冇咁嚴重就約朋友出街食飯，就揀左去食吉列牛。我地點套餐($246)，有吉列牛定食 和 香辣忌廉雞肉炒麵。吉列牛定食，入座後就見到個好得意既石燒盅仔，正式上菜啦，熱切期待，牛肉外層有層金黃色既吉列粉，肉質呈嫩粉紅色，食材新鮮，放上熱石盅燒一陣就可以食，不過太熟否則牛肉較韌，我個人喜歡帶少少紅色肉質，因為食落軟腍有肉汁，配埋個白色既醬一齊食簡直一流，醬用左沙律溝芥末。香辣忌廉雞肉炒麵，哩個菜式唔算太辣，好岩香港人食，忌廉味較濃郁，麵條煮得岩岩好，唔會過腍，我就鐘意將吉列牛果到既wasabi和豉油溝埋，再撈埋麵一齊食，更加好味。蒜片牛舌芯($58)，係用牛舌最精華部位，所以每片價錢都貴，但都合理，牛舌爽口有咬口，蒜片都好香口。Citrus Ocean (套餐+$18)，係柚子梳打加薄荷葉，清新解油膩感，底部放左柚子皮，我自己有食，味道不錯。