念念不忘泰好味

已經食過好幾次呢間新派泰國菜餐廳，今次專程帶細妹嚟食，前幾次來都以為只有樓下座位，原來樓上還有雅座，坐得挺舒適的，環境比樓下清靜，全部都係年青人或情侶，好有文青感覺。

我哋今次點咗木瓜沙律，酸酸甜甜好開胃，木瓜爽口，份量多到成坐山咁，兩個人真係食唔哂。

木瓜沙律

$68

食泰國菜例牌必叫冬蔭公湯，有成4隻大大隻大頭蝦，加上一些雜菌超足料的，湯頭香濃鮮甜又帶點微辣，真係好飲到一滴都不留!

冬陰功

$108

再嚟必食嘅炸墨魚餅，超級彈牙又好大舊，還加入了香茅同炸，落啖啖都係墨魚肉超正👍🏻

墨魚餅

$68

細妹鍾意食辣咖哩，今次點咗青咖哩(雞），濃濃的椰香味，加入大量雞肉同蔬菜同煮，香甜小辣而不膩，而且份量又大又多，抵食。

青咖喱雞

$88

餐廳有好多種類特飲，今次叫咗一杯芒果百香果沙冰，大大杯，淡淡熱情果香味，酸甜開胃。

熱情果芒果沙冰

$48

總體餐廳性價比不錯，份量很多，餐廳環境舒適優雅，員工亦親切有禮，不往我再次再次幫襯。