影片
更多
2022-10-09
107 瀏覽
講到快，靚，正嘅越南餐廳非佢莫屬，位於尖沙咀嘅河內越式料理，喺正大街招牌非常搶眼嘅就係啦，我哋嗌咗兩個湯麵，兩個小食同兩杯嘢飲，份量真係啱啱好全部食晒，絕對夠飽👍🏻👍🏻快：我哋由嗌嘢食去到上第一道菜，只係用咗大概5分鐘，上齊晒都只係15分鐘以內，真係同茶記有得揮嫁🙊，靚 : 賣相一啲都唔普通，排得井井有條，小食方面就咁睇都見到黃金色，唔錯👍🏻，正 : 每一款嘅味道都唔錯，又平又實惠，等我哋介紹吓叫咗啲咩先😆🍅順化蕃茄蟹肉扎肉湯檬:越南菜比較少見到嘅蕃茄湯底，佢嘅蕃茄肉幾多，咸度又啱啱好，蟹肉都唔少，啖啖肉，扎肉有三大件，而麵底係檬粉，軟硬度啱啱好，幾爽👍🏻👍🏻🍜生熟牛肉湯河粉:以清湯湯底嘅牛肉湯河，清得嚟又帶點牛肉香味，除咗生熟牛肉之外，仲有牛腩同肥肉等，肉質非常唔錯，嫩得來牛味非常重，而佢嘅肥肉一啲都唔油膩，非常爽口😆，另外配菜必定有九層塔同洋蔥，令到成個味道更加突出，份量都啱啱好🍤越式炸蝦餅: 原來呢塊蝦餅都唔細，佢全人手製嘅蝦餅，外皮呈金黃色，裏面蝦肉非常爽口，再配埋甜酸醬一流😋🐷越式香茅豬扒:香茅豬扒基本上啖啖肉，只係有少少肥膏，所以基本上可以整塊食晒，足足有手掌咁大塊，煎得特
快：我哋由嗌嘢食去到上第一道菜，只係用咗大概5分鐘，上齊晒都只係15分鐘以內，真係同茶記有得揮嫁🙊，靚 : 賣相一啲都唔普通，排得井井有條，小食方面就咁睇都見到黃金色，唔錯👍🏻，正 : 每一款嘅味道都唔錯，又平又實惠，等我哋介紹吓叫咗啲咩先😆
🍅順化蕃茄蟹肉扎肉湯檬:越南菜比較少見到嘅蕃茄湯底，佢嘅蕃茄肉幾多，咸度又啱啱好，蟹肉都唔少，啖啖肉，扎肉有三大件，而麵底係檬粉，軟硬度啱啱好，幾爽👍🏻👍🏻
🍜生熟牛肉湯河粉:以清湯湯底嘅牛肉湯河，清得嚟又帶點牛肉香味，除咗生熟牛肉之外，仲有牛腩同肥肉等，肉質非常唔錯，嫩得來牛味非常重，而佢嘅肥肉一啲都唔油膩，非常爽口😆，另外配菜必定有九層塔同洋蔥，令到成個味道更加突出，份量都啱啱好
🍤越式炸蝦餅: 原來呢塊蝦餅都唔細，佢全人手製嘅蝦餅，外皮呈金黃色，裏面蝦肉非常爽口，再配埋甜酸醬一流😋
🐷越式香茅豬扒:香茅豬扒基本上啖啖肉，只係有少少肥膏，所以基本上可以整塊食晒，足足有手掌咁大塊，煎得特別香口，肉質有咬口👍🏻👍🏻
🍹另外我哋買咗兩杯嘢飲，分別係凍鹹檸七同埋椰汁綠豆冰，味道唔錯，比較少見有綠豆冰，所以叫嚟試吓，雖然賣相一般，但飲落都可以😌
張貼
