千両 (名店坊)

營業中

休息中

呢幾年嚟都絕少幫襯連鎖壽司店，今日突然之間心血來潮去搵「千両」入到去先知冇迴卷壽司食，原來我真係out 左。店員為我們安排好卡位，四人座位十分闊落，落單也是由舊店員代勞，可惜店員並不主動，兩次落單也要我主動出去搵人。服務扣分；上菜快加分。基本上大部份食物也只等十分鐘內上齊，只有「牛油果軟殻蟹卷」較耐，我有理由相信軟殻蟹是即炸，賣相好得吓，牛油果切得好簿好工整，壽司入口有牛油果的軟棉、軟殼蟹的酥脆、壽司飯和所有食材融合，加上魚籽和黑魚籽的咸香令鮮甜味更提升。另一好味卷物「炙燒明太子三文魚卷」又係靚靚囝囝，卷物切成較細件，啱曬吾想食太多澱粉質嘅朋友。經過炙燒的三文魚入口特別油潤，明太子醬發揮其咸鮮作用，整體味道融和、好吃。正常水準的還有以下江戶前日本甜蛋配柚子牛油焗雜菌三文魚壽司三點每款一件，有點兒落差之選。珍寶帶子壽司比正常的帶子略大一點，可以每個人對珍寶的定義不同吧！但鮮甜度仍合格。油甘魚腩壽司完全唔似油甘魚腩，薄切，微爽 ，欠魚油和甘香，不如直接形容冇乜鮮味！抹茶蛋卷上枱時仍未解凍，一切下去抹茶忌廉和蛋卷自動分離，成件野都冇抹茶味嘅，反而黃豆粉厥餅好食，但不推薦。