臺北棧 (港威商場)

營業中

休息中

年多前食過中環店印象中係好好食的，估唔到該店移師到尖沙咀，慶幸美食保持水準依舊好食，餐廳以粉紅色為主調，機艙佈局，打卡一流，美食充滿台灣特色，十分吸引！明太子甜不辣 $78甜不辣口感煙韌，外皮香脆。加上明太子沙律醬鹹香鮮味，非常好食。櫻花蝦烏醋茄子 $48茄子凍食，口感軟綿綿，夾落唔鬆散，沾了醋汁甜酸美味，有櫻花蝦增加酥脆口感，小食好食。糖心蛋魯肉飯 $55魯肉好入味，半肥瘦入口即溶，半隻溏心蛋黃晶瑩剔透，飯量多可二人分享。芭樂苦瓜汁 $52入口好甘有微微清甜，健康之選。手工鳳梨酥麻糬蛋撻 $48蛋撻分了四層，分別係蛋漿、麻糬、鳳梨酥和曲奇皮，配搭幾特別好奇可一試。鐵觀音法式燉蛋 $98茶味香濃，口感軟滑，甜度適中。