影片
更多
2020-11-06
609 瀏覽
秋冬將至， 同女朋友喺旺角行街行到咁上下， 忽然想試下打邊爐， 跟住佢又話不如食雞煲， 咁結果就喺附近搵到呢一間餐廳。 嗰陣時係六點半左右， 餐廳仲未爆棚。 呢個雞煲火鍋放題， 限時兩小時， 到我哋八點走嘅時候， 成間餐廳都已經爆滿， 所以最好早啲去。 餐廳侍應首先會畀一個調味料架畀你， 把你鍾意嘅調味料先放入你自己隻碗度。 之後佢會好快收返。 跟住你要揀食邊一隻雞煲， 有微辣同埋芝士， 如果食辣嘅雞煲有得揀辣度， 我哋揀咗bb辣， 係好食嘅辣，唔過火。 當你食到咁上下啲雞煲， 可以叫工作人員過嚟加湯， 之後你就可以開始點你嘅火鍋料啦， 佢有三個唔同價格嘅火鍋放題套餐， 最平嗰個好似係188， 我哋食咗中間二百幾蚊嗰個， 最貴嗰個係278， 可以食最貴嘅安格斯牛同埋美國桶蠔。 我哋中間嗰個價錢就可以食次一等嘅安格斯牛。 最基本嗰個就淨係普通美國肥牛。因為我同女朋友都係細食， 所以每樣都淨係點咗一兩件( 點餐 紙可以寫幾多件, 幾多粒, 幾多片, 所以大家千祈唔好眼闊肚窄, 不妨慢慢點慢慢食) 如果想飲嘢可以出去出面自己拎, 有可樂呀竹蔗茅根呀嗰啲。我女朋友話啲蟹子丸芝心丸好好食， 不
餐廳侍應首先會畀一個調味料架畀你， 把你鍾意嘅調味料先放入你自己隻碗度。 之後佢會好快收返。 跟住你要揀食邊一隻雞煲， 有微辣同埋芝士， 如果食辣嘅雞煲有得揀辣度， 我哋揀咗bb辣， 係好食嘅辣，唔過火。 當你食到咁上下啲雞煲， 可以叫工作人員過嚟加湯， 之後你就可以開始點你嘅火鍋料啦， 佢有三個唔同價格嘅火鍋放題套餐， 最平嗰個好似係188， 我哋食咗中間二百幾蚊嗰個， 最貴嗰個係278， 可以食最貴嘅安格斯牛同埋美國桶蠔。 我哋中間嗰個價錢就可以食次一等嘅安格斯牛。 最基本嗰個就淨係普通美國肥牛。
因為我同女朋友都係細食， 所以每樣都淨係點咗一兩件( 點餐 紙可以寫幾多件, 幾多粒, 幾多片, 所以大家千祈唔好眼闊肚窄, 不妨慢慢點慢慢食) 如果想飲嘢可以出去出面自己拎, 有可樂呀竹蔗茅根呀嗰啲。
我女朋友話啲蟹子丸芝心丸好好食， 不過就話啲魚片有少少雪味。 我食咗雲吞， 白蘿蔔， 雞髀菇， 娃娃菜， 全部都好鮮甜， 亦都砌得好乾淨， 排放得好整齊。 之後仲嗌咗一個烏冬食， 啲麵汁都係非常唔錯，好滑。
最後我哋開始點肉食， 我點咗幾片黑毛豬， 羊肉， 牛脷， 同埋唔少得安格斯牛。 牛脷切得有啲太薄， 咬落去冇乜紅酒燴牛脷嗰種口感。 羊肉同豬肉都冇話好特別， 但我好想讚下個安格斯牛， 你放落個煲度烚七秒， 等佢啱啱變色就放入口食， 咬落去超級軟嫩， 但係有咬口， 因為切得有少少厚度，非常有口感， 少少彈牙， 牛肉味好濃， 你會覺得真係食緊牛肉， 而唔係食緊有牛肉味嘅一張薄紙。 我承認呢一個係喜出望外。
總括嚟講， 呢間餐廳可以滿足所有你對於雞煲同打邊爐嘅渴望， 雖然有啲食物佢哋未必有， 例如墨魚滑， 響鈴嗰啲， 對我印象好似唔多覺眼， 但其他絕大部分嘅食材基本上都響個list上面。 同埋啲卡位好舒服， 非常寬敞闊落， 係加分位。
張貼
