韓珍 (帝國中心) (已結業)

期待左好耐嘅韓國餐，今晚去左尖東食，聽講呢間餐廳係必食醬油蟹❤️一入到去個環境，同韓燒店冇咩分別，但重點係前後左右枱都係韓國人坐，勁似響韓國😂而坐位與坐位之間都相隔遠，而且好闊，坐得舒服😌前菜有芽菜，鵪鶉蛋，泡菜，沙律，仲可以免費任添☺️😉🍴 醬油蟹🍴標榜住每日新鮮製作，真係幾鮮，蟹唔算好大，但配埋飯真係已經夠飽，而比較重麻油味，非常提鮮😉🍴 酸甜炸雞🍴比想像嘅大碟，個質感同中式嘅咕嚕雞球差唔多，要厚粉先可以帶出個汁，勁多嚿！性價比高👍🏻🍴 泡菜餅🍴比較厚粉，唔太夠泡菜，冇咩爽口嘅感覺，但勝在有個辣汁，個辣汁真係一流，酸辣，好開胃😍🍴純豆腐辣湯🍴呢間嘅豆腐湯唔算好辣，易入口，而且配料十足，仲有白飯跟，係超滿足😄呢間韓國餐廳份量都算多，醬油蟹由其出色👍🏻必食推介🤩