杏甜品 (香檳大廈) (已結業)

杏甜品 (香檳大廈) (尖沙咀)📍尖沙咀加拿分道40-46號香檳大廈地下6號舖-食完Omakase 之後一個鐘就經過呢間甜品店，見佢有多款椰皇甜品，而且裝修又靚就被吸引左入去。食甜品果然真係有第二個胃，明明岩岩先食到好飽，而家居然要坐低嘆甜品😮‍💨-我地order 左兩款，再追加湯圓！-🍨椰皇貓山王燉雙皮奶 $75椰皇內有滿滿嘅濃郁椰奶同燉雙皮奶！😍 椰奶非常香濃，雙皮奶又香滑！旁邊配有貓山王雪糕，由於太足料，基本上個雪糕係唔會溶！榴連味極香甜😋 -因為個椰皇啲椰肉已經好熟，所以唔洗用力就可以成塊起出黎！椰肉加貓山王再加燉奶呢個配搭真係好絕😍（果日天氣好凍，但唔記得要order熱，相信熱食會更加香♨️）-🍨芒椰木蓮凍 $62超大碗嘅新品！木蓮凍有清新嘅仙草味，呈黑色啫喱狀，基本上同傳統涼粉相近！面頭除左一大堆頭嘅超甜香芒之餘，配料都好豐富，分別有椰果，小芋圓，仲有個芒果雪糕！甜度適中，如果夏天食就要定會透心涼呀！- 🍡 另外職員推薦下，追加左兩粒綠茶湯圓，以桂花清湯襯托，湯圓外皮質地非常煙韌，而且綠茶味好香濃，真係好正！ 佢地都仲有幾種口味，下次必會再追加！