呂錦記手撕雞專門店 (筲箕灣道)

營業中

休息中

今日做嘢經過港島區，見到依間手撕雞店，屋企又想加餸，一於買返去試嚇！要去依間手撕雞專門店都好方便，出地鐵站行兩三分鐘就到，如果搭電車，直頭喺對面落。入到去店舖，鋪面乾淨企理。望一望餐牌，手撕雞都有咁多款選擇，真係估佢唔到。不過我最欣賞嘅係佢無激素、無味精、零添加，即係我屋企兩個小朋友都可以食到。古法蟲草花水晶雞呢隻水晶雞，由西灣河拎到返九龍，打開包裝，仲係暖嘅，又傳出陣陣香味。外賣俾埋手套你，好貼心。隻雞一撕就開，雞肉好嫩滑，食落仲有雞汁，味道剛剛好，唔會太鹹，加埋蟲草花，養生又美味。懷舊原味手撕雞呢款用圓形大盒包裝，裏面裝滿撕好嘅手撕雞，非常足料。沒有太多調味料，味道鹹鹹香香，雞肉爽脆，雞味濃郁，健康又好食。