影片
更多
2011-11-14
27 瀏覽
師傅都有好一段冇黎呢區, 咁啱上星期有少少時間, 就乘機過黎行下, 順便搵下野食! 點知落到區又冇咩心水, 於是唯有四圍逛下, 行行下忽然見到老友, 心諗既然咁耐都冇黎過, 不如就入去聚一聚舊啦!一條友入到去, 求其搵個位坐底, 就睇下有咩好食, 其實師傅最鍾意呢度嘅蝦籽,所以就決定簡簡單單整碟蝦子撈麵, 其他咩都唔要喇! 落完單, 等左一陣就有得食喇, 蝦籽撈麵賣相真的好靚, 皆因撈麵上鋪滿好多蝦籽! 先試下湯底, 湯底夠香, 濃濃嘅蝦籽香味, 唔會太咸, 非常惹人好感; 撈麵底就有幾條靚菜, 係菜心黎嘅, 菜心煮得好腍, 而且好甜, 幾正; 至於麵身仍然十分高水, 入口勁爽口彈牙, 冇鹼水味, 而且麵質非常乾身, 配上勁多勁香嘅蝦籽, 蝦籽炒得香而唔燶, 而且香味勁濃, 真係正到冇得頂! 咁耐冇黎, 水準仍然維持到, 真係冇令師傅失望!總括黎講食物質素超掂, 環境地方就逼少少, 服務普普通通, 而價錢亦接受到, 廿八蚊一碟蝦籽撈麵, 都算抵食! 師傅入黎食碟撈麵, 絕對唔係要食飽, 純粹想過下口癮, 所以當然食完一碟撈麵後, 係絕對唔飽, 不過亦唔肚餓! 心血來潮黎搵下森哥, 師
一條友入到去, 求其搵個位坐底, 就睇下有咩好食, 其實師傅最鍾意呢度嘅蝦籽,所以就決定簡簡單單整碟蝦子撈麵, 其他咩都唔要喇! 落完單, 等左一陣就有得食喇, 蝦籽撈麵賣相真的好靚, 皆因撈麵上鋪滿好多蝦籽! 先試下湯底, 湯底夠香, 濃濃嘅蝦籽香味, 唔會太咸, 非常惹人好感; 撈麵底就有幾條靚菜, 係菜心黎嘅, 菜心煮得好腍, 而且好甜, 幾正; 至於麵身仍然十分高水, 入口勁爽口彈牙, 冇鹼水味, 而且麵質非常乾身, 配上勁多勁香嘅蝦籽, 蝦籽炒得香而唔燶, 而且香味勁濃, 真係正到冇得頂! 咁耐冇黎, 水準仍然維持到, 真係冇令師傅失望!
總括黎講食物質素超掂, 環境地方就逼少少, 服務普普通通, 而價錢亦接受到, 廿八蚊一碟蝦籽撈麵, 都算抵食! 師傅入黎食碟撈麵, 絕對唔係要食飽, 純粹想過下口癮, 所以當然食完一碟撈麵後, 係絕對唔飽, 不過亦唔肚餓! 心血來潮黎搵下森哥, 師傅絕對係非常開心, 特別見到佢嘅水準仍然冇走樣, 所以笑臉一定要比, 有機會一定會再黎!
張貼
