影片
更多
2021-09-08
77 瀏覽
今日下午同家人去咗位於利舞臺既「譽宴．星海匯」飲茶，樓底好高，裝潢高貴，食物質素唔錯，我哋都食得好舒服。脆皮菠蘿焗叉燒餐包餐包熱騰騰，望落去好似菠蘿包，咬落香甜又夠脆，但入面其實係叉燒餡，份量足，味道不錯。灌湯小籠包皮夠薄，湯汁清甜，一籠有三隻，但我哋4個人都想食，所以叫咗兩籠。春風得意腸呢碟腸粉超推介，腸粉好滑，中間果層油炸鬼脆卜卜，最內層有蝦滑，絕對係有誠意之作！和風長春卷春卷好香脆，長條形，入面有啲沙律醬，小朋友一定會鍾意食！福建炒飯由呢個福建炒飯就知道廚師係咩料👏🏻！炒飯材料好豐富，包括有雞肉、冬菇、蝦仁等，炒飯軟硬適中、粒粒分明，而且淋於飯面的醬汁非常滋味，大家都食到舔舔脷呀！💯
今日下午同家人去咗位於利舞臺既「譽宴．星海匯」飲茶，樓底好高，裝潢高貴，食物質素唔錯，我哋都食得好舒服。
脆皮菠蘿焗叉燒餐包
餐包熱騰騰，望落去好似菠蘿包，咬落香甜又夠脆，但入面其實係叉燒餡，份量足，味道不錯。
灌湯小籠包
皮夠薄，湯汁清甜，一籠有三隻，但我哋4個人都想食，所以叫咗兩籠。
春風得意腸
呢碟腸粉超推介，腸粉好滑，中間果層油炸鬼脆卜卜，最內層有蝦滑，絕對係有誠意之作！
和風長春卷
春卷好香脆，長條形，入面有啲沙律醬，小朋友一定會鍾意食！
福建炒飯
由呢個福建炒飯就知道廚師係咩料👏🏻！炒飯材料好豐富，包括有雞肉、冬菇、蝦仁等，炒飯軟硬適中、粒粒分明，而且淋於飯面的醬汁非常滋味，大家都食到舔舔脷呀！💯
張貼
