影片
更多
2025-03-30
0 瀏覽
行主教山水庫，經過運動場得閒飲茶，之前食過，覺得點心可以，小店預咗快餐食點心，環境比較擠，差不多滿座，入到去一位男侍應招呼我哋坐7號二人枱，斜對正開門位，心諗好快完成午餐，但人出人入，食正風口位，落完單見到裏便剛有人離坐，同侍應講想轉枱被拒絕，算啦，都好快食完！但真係每分鐘都有人開門一次， 食風位，分分鐘都被風兜口兜面吹到正，當有人起身埋單經過要走，就要褪一次位，真係食到由背脊骨落！食完埋單，我覺得這個三剎位不應該讓顧客坐，同侍應反映，卻被搶白一番！之前一次坐了角落卡位，坐了一會，佢哋話員工準備開飯，要我們轉枱，還可以接受！這次員工的態度好差，貼錢買難受，附近仲有得揀，得閒也不會再嚟！😤
張貼