臺北棧 (形點 I)

營業中

休息中

Check In Taipei 喺元朗YOHO都開左一段時間，終於搵左日去食啦。元朗分店既menu原來同其他分店既menu有啲唔同。食物選擇都算多元化，有牛肉麵、滷肉飯、蛋餅、夜市小食等等，仲有各款台式飲品。招牌牛肉麵。可以自選麵類，刀削麵好唔錯。手工刀削麵每一條麵條都好有彈性！牛肉都好腍同入味。牛肉麵個湯都好濃，帶點清甜味道，配埋自家製牛脂油，更加香口！松露滷肉飯。呢到既滷肉飯竟然都有3款口味選擇。叫左呢款松露，果然入口松露味突出，滷肉醬好香口惹味，好送飯！溏心蛋亦出色！髒髒鹹蛋黃芋泥蛋餅。賣相非常吸引！份量好多，而且蛋餅好足料，入面係塞滿左芋泥，芋泥綿滑帶點甜。不過呢款蛋餅就會比較飽濟，多啲人share食會好啲。台式夜市小食炸地瓜條向來我最愛。呢到既地瓜條好正，炸到金黃，地瓜條厚身又甜。配佢個話梅酸甜醬味道豐富好多，好加分。飲品點左兩款台灣旅行都好中意飲既飲品。芭樂苦瓜汁。混合左芭樂之後苦瓜汁完全唔覺苦，飲落清新又健康既感覺！綠豆沙牛奶都唔錯。入面既綠豆沙好滑好濃稠，同牛奶比例啱啱好。