十常八九

營業中

休息中

之前成日見人打卡，今次終於試到，而且完全無失望，超級好experience! 所有員工都好友善，環境乾淨舒服，食物質素高，餐牌設計有心機！完全係物有所值！知道本身從好少位，所以早少少去，十五分鐘到就位。最好係去到留電話等位，唔洗企喺餐廳門口等。因為係街鋪，大熱天時如果喺門口等都幾辛苦。去到登記，差不多有位店員就會打俾你同你講預返幾耐時間返去非常之有禮貌。成個環境設計好簡潔，係非常之舒服嘅日本風。雖然坐唔到榻榻米嘅位置，但靠牆位置一樣正。單係睇餐牌已經覺得有心思，食物選擇雖然唔太多但係每樣都超吸引，真係揀得好辛苦。而且飲品都好有特色，樣樣都好想試。今次揀咗期間限定嘅蜜瓜蛋卷，絕對物超所值，大件精緻，又好味！啲cream都有清新嘅蜜瓜。而飲品都好好飲，充滿黃豆粉本身見到仲有個栗子甜品好吸引，但今日食咗午餐先去已經好飽，唯有下次先食。