恆香冰室 (德佑大廈)

營業中

休息中

以往食過幾次避風塘椒鹽豬扒雙蛋飯，雖然我本人覺得價錢略高，但以往食過幾次都幾回味，所以今日都專登走去食多一次避風塘豬扒煎雙蛋飯，但今日食過之後就唔會再有下次，豬扒飯一嚟到已經唔開胃，啲豬扒係油浸咁樣，濕納納，口感唔使講，豬扒底啲油多到一個點，油浸飯，啲飯有啲都食唔到，一啲椒鹽嘅香味都冇，老實講食兩餸飯好過佢，但價錢佢貴人一倍，雖然有得坐，但餐廳明明有位就要你同人搭枱，指派咗個位置俾你坐，轉頭又叫你起身坐第二度。個豬扒雙蛋飯本身係$68，跟熱飲要$71蚊，凍動飲要$74，咁嘅質素真係冇下次。下次食飯幫襯啲餐廳真係要睇吓負評先好去幫襯。