影片
更多
2024-11-19
1505 瀏覽
「食在廣州」呢句可能個個都聽過， 但係下一句唔知又有幾多人識？「廚出鳳城」，鳳城其實去子廣東順德一帶，順德擁有肥沃嘅土地及豐富嘅資源，漁農產物新鮮豐富。選擇多，令烹製亦變化多，難怪順德被稱為「世界美食之都」。講咗咁耐，無錯今日去食順德菜，去咗銅鑼灣嘅 圍爐順德菜，仲有幸見到「圍爐」嘅主理盧偉權 盧師傅👨🍳。位於Sugar+ 16樓嘅圍爐順德菜，樓底幾高，枱與枱之間距離適中，而且有落地玻璃可以盡覽維園景色😍。秘製鮑魚鮑魚口感軟滑彈牙，用玫瑰露及自家秘製豉油汁泡浸後，鮑味濃郁鮮味，滲出陣陣豉油的香甜味，令人回味😋。窩貼大明蝦蝦仁🦐大大隻覆蓋整快多士，多士炸得勁鬆脆又乾身，蝦肉味濃，鮮甜多汁，勁好食🤤。茶燻雞是日推介，點咗半隻🐓試下。一上枱已經燻香氣味四溢，令人食慾大增，雞皮香口唔肥膩，雞肉十分嫩滑juicy，雞味重燻香氣味濃郁，令人一試難忘😋。懷舊金錢蟹盒蟹盒材料豐富，有蟹肉、豬肉、馬蹄、冬菇、紅蘿蔔及芫茜，味道濃郁鮮香甜美🥰。包皮好特別，超鬆脆但口感軟綿中帶點爽脆😋。經店長介紹，才知道原來是一片超薄豬皮，難怪口感如此，有驚喜😍！大良煎藕餅一般中餐館或者酒樓會用豬肉做蓮藕餅，但順德出名魚
講咗咁耐，無錯今日去食順德菜，去咗銅鑼灣嘅 圍爐順德菜，仲有幸見到「圍爐」嘅主理盧偉權 盧師傅👨🍳。
位於Sugar+ 16樓嘅圍爐順德菜，樓底幾高，枱與枱之間距離適中，而且有落地玻璃可以盡覽維園景色😍。
秘製鮑魚
鮑魚口感軟滑彈牙，用玫瑰露及自家秘製豉油汁泡浸後，鮑味濃郁鮮味，滲出陣陣豉油的香甜味，令人回味😋。
窩貼大明蝦
蝦仁🦐大大隻覆蓋整快多士，多士炸得勁鬆脆又乾身，蝦肉味濃，鮮甜多汁，勁好食🤤。
茶燻雞
是日推介，點咗半隻🐓試下。一上枱已經燻香氣味四溢，令人食慾大增，雞皮香口唔肥膩，雞肉十分嫩滑juicy，雞味重燻香氣味濃郁，令人一試難忘😋。
懷舊金錢蟹盒
蟹盒材料豐富，有蟹肉、豬肉、馬蹄、冬菇、紅蘿蔔及芫茜，味道濃郁鮮香甜美🥰。包皮好特別，超鬆脆但口感軟綿中帶點爽脆😋。經店長介紹，才知道原來是一片超薄豬皮，難怪口感如此，有驚喜😍！
大良煎藕餅
一般中餐館或者酒樓會用豬肉做蓮藕餅，但順德出名魚米之鄉，用新鮮鯪魚肉來做藕餅🥰，藕餅鮮甜美味又彈牙，爽脆可口的蓮藕及提升香味的芫荽去煎，果然係絕配😋。
菓液喼汁煎牛柳
牛柳🐂質感軟腍嫩滑，表面煎至焦氣，酸甜喼汁香甜而不濃，令牛肉鮮味更為突出，加上清甜嘅洋蔥絲，十分醒胃又好食😋。
荔枝蝦球
新品推介當然要試下，荔枝外形的脆米球，炸得十分香脆🥰，内層蝦肉爽滑彈牙，最入面仲有粒鮮甜多汁嘅荔枝😋，繼鍋貼大明蝦後，另一出色炸物🤤。
香滑雙皮奶
上層奶皮甘香，下層奶皮香滑濕潤，奶香氣味濃鬱，入口嫩滑，食後唇齒留香🤤。
焗西米蓮蓉布甸
布甸味道濃郁香甜，口感綿滑軟糯😋，加上西米及香濃的蓮蓉，口感更豐富，味道更香🥰。鳳城酒家馳名嘅西米蓮蓉焗布甸，我响呢度都食到，感覺好滿足又幸福😍。
張貼
