影片
更多
2023-11-02
1750 瀏覽
好味餃子店自從喺長沙灣食過「好味餃子店」後，就對呢間嘅餃子念念不忘，今日再去葵芳分店再食過，每日下午3點至6點下午茶叫餃子套餐仲有優惠，33蚊有5隻餃子加野飲好快就令店舖坐滿哂人啦！呢間葵芳分店門外都係有一級，又係出動我塊斜板嘅時候，入面唔算好大，店員好快手幫我移好張枱令活動空間大d，令我可以將輪椅泊得易d，好坐d舒服d，真係要讚一讚佢哋嘅服務，好掂！👏👏👏🙏1.湯餃子（雲耳椰菜肉餃+芫茜肉餃）$49（9.5/10）今次再叫10隻雙拼湯餃子，叫咗雲耳椰菜肉餃同芫茜肉餃，每粒餃子個皮都好薄，粒粒個餡都好飽滿，雲耳椰菜肉餃食落好爽口，每咬一啖雲耳同椰菜都勁大聲，芫茜肉餃入面d芫茜多到爆，芫茜控絕對唔可以錯過。再飲埋每天新鮮熬製4小時而含味精嘅野葛菜生魚豬骨湯就超滿足！😋😋😋2.牛丸麵$30（8.5/10）呢碗牛丸麵入面有4粒牛丸，牛丸爽口彈牙，麵揀咗幼麵，無咩鹼水味，再加入佢哋自家製辣菜脯，令碗麵無咁單調！😊3.麻辣腎片$28（7/10）腎片夠麻麻辣辣，不過比較韌咗少少！4.豆漿（支）$15（9.5/10）豆漿好滑，豆味濃，只係甜咗少少！2人總共價錢$122個人口味總評分：8.625/10
自從喺長沙灣食過「好味餃子店」後，就對呢間嘅餃子念念不忘，今日再去葵芳分店再食過，每日下午3點至6點下午茶叫餃子套餐仲有優惠，33蚊有5隻餃子加野飲好快就令店舖坐滿哂人啦！
呢間葵芳分店門外都係有一級，又係出動我塊斜板嘅時候，入面唔算好大，店員好快手幫我移好張枱令活動空間大d，令我可以將輪椅泊得易d，好坐d舒服d，真係要讚一讚佢哋嘅服務，好掂！👏👏👏🙏
1.湯餃子（雲耳椰菜肉餃+芫茜肉餃）$49（9.5/10）
今次再叫10隻雙拼湯餃子，叫咗雲耳椰菜肉餃同芫茜肉餃，每粒餃子個皮都好薄，粒粒個餡都好飽滿，雲耳椰菜肉餃食落好爽口，每咬一啖雲耳同椰菜都勁大聲，芫茜肉餃入面d芫茜多到爆，芫茜控絕對唔可以錯過。再飲埋每天新鮮熬製4小時而含味精嘅野葛菜生魚豬骨湯就超滿足！😋😋😋
2.牛丸麵$30（8.5/10）
呢碗牛丸麵入面有4粒牛丸，牛丸爽口彈牙，麵揀咗幼麵，無咩鹼水味，再加入佢哋自家製辣菜脯，令碗麵無咁單調！😊
3.麻辣腎片$28（7/10）
腎片夠麻麻辣辣，不過比較韌咗少少！
4.豆漿（支）$15（9.5/10）
豆漿好滑，豆味濃，只係甜咗少少！
2人總共價錢$122
個人口味總評分：8.625/10
@yum.dumpling
地址：葵芳禮芳街15號葵福大廈地下8號舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#好味餃子店 #葵芳 #葵芳好去處 #餃子店 #芫茜控 #相機食先 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
張貼
