一點心 (通菜街)

營業中

休息中

今次係經朋友介紹第一次去咗呢間位於太子嘅點心店，Weekday夜晚都要排隊，仲有好多都係旅客，喺香港經濟咁美好嘅時期真係難能可貴。大概等咗15分鐘，建議各位喺入座之前就已經用點心紙揀好食啲咩點心去慳時間，因為入到去之後都會有限時。坐就唔會坐得舒服，而唔少侍應嘅態度亦都係麻麻哋，基本上接近冇服務可言，不過呢啲都係預期之內。嗰日同另外兩個人就嗌咗好多經典嘅點心，包括蝦餃、燒、牛柏、咖喱魷、蝦腸等等，上菜速度非常快，味道亦都算幾好，比我想像中要好。三個人食到好飽都係$300鬆少少，我覺得算好物超所值。