影片
更多
2015-10-12
2066 瀏覽
近期最鐘意去既餐廳，係居酒屋。兩個人坐得舒服，一班人食得開心，有空間俾你坐耐D，傾下偈輕鬆下。但係居酒屋一般都偏貴……又係土地問題，坐得咁耐自然要俾番場租。當然，有D居酒屋極高質素，自然收費就更貴，無話岩唔岩，只係我食唔起。今次係一個月內第二次黎到鳴門魚市場居酒屋，咁短時間去而復返，唔係試過好多次。但係呢間居酒屋係幾唔錯－我好直接咁講－價錢唔平，但係相比起其他居酒屋唔算貴，再加上近來做緊推廣，令再黎既成本低好多，下文再詳講；另外，食物質素唔差，其實幾ok；三黎環境、服務真係幾好，幾舒服……近年食野都好講求服務質素，不食嗟來之食，環境好的先叫「放鬆一下」，如果唔係就真係純粹「搵食」……之類之類……話休絮煩，首先入到門口，就見到用東亞咭賣單，叫野飲可以半價，包括有酒精野飲，睇到呢度真係身心開朗；仲未夠！要夠兩杯仲會送多個蟹肉蟹籽沙律，雖然唔係咩貴野，但其實係開心既！各資深食家應該好熟悉，如果係銀行同餐廳做呢D Joint promotion，通常都係咁意送杯無酒精飲品就算，唔會有咁多野送，仲包括埋D Sake啊咁，都可以半價。所以就叫左呢兩杯：Orion 啤酒柚子蜜送既蟹肉蟹籽沙律，無咩特
今次係一個月內第二次黎到鳴門魚市場居酒屋，咁短時間去而復返，唔係試過好多次。但係呢間居酒屋係幾唔錯－我好直接咁講－價錢唔平，但係相比起其他居酒屋唔算貴，再加上近來做緊推廣，令再黎既成本低好多，下文再詳講；另外，食物質素唔差，其實幾ok；三黎環境、服務真係幾好，幾舒服……近年食野都好講求服務質素，不食嗟來之食，環境好的先叫「放鬆一下」，如果唔係就真係純粹「搵食」……之類之類……
話休絮煩，首先入到門口，就見到用東亞咭賣單，叫野飲可以半價，包括有酒精野飲，睇到呢度真係身心開朗；仲未夠！要夠兩杯仲會送多個蟹肉蟹籽沙律，雖然唔係咩貴野，但其實係開心既！各資深食家應該好熟悉，如果係銀行同餐廳做呢D Joint promotion，通常都係咁意送杯無酒精飲品就算，唔會有咁多野送，仲包括埋D Sake啊咁，都可以半價。
所以就叫左呢兩杯：
Orion 啤酒
柚子蜜
送既蟹肉蟹籽沙律，無咩特別：
牛肉壽喜燒，唔理正唔正宗啦，冬天開始轉凍，好鐘意咁樣食D熱辣辣既野，牛肉唔錯，有牛味唔會太韌，加埋隻蛋落去，暖笠笠太正斗了：
蒜香雞軟骨（之類啦），幾好食，軟骨當然味淡，夠熱又加左蒜就好香口，岩送酒：：
天婦羅熱稻庭烏冬，鰹魚湯底，煙煙韌韌，唔錯，但係個天婦羅既色水話俾我聽，可能用D油要換一換啦：
燒秋刀魚，味道OK：
味道未係超凡入聖，但係整體食落係舒服既。然後，食左4百幾蚊，就送左4張呢隻coupon，下次食野食200蚊就可以用1張，即係半價羅！半價就真係好抵啦！只可平日晚餐用，想飲兩杯輕鬆下，食物OK好食，黎呢度就幾岩。不過我又星期六去，上次有個幾張Coupon就用唔到。另外，可能係因為呢間生意唔係太好，我見佢唔係好Full，所以先有咁既Promotion，應該真係可一不可再，要把握機會啦！
真係值得食，所以我推介。雖然係集團，但係係值得去既！
張貼
