隆記茶室 (已結業)

今日我又同同事來食lunch啦，我諗每星期最少都來一次，北角食lunch其實好多選擇，不過好食既真心唔多，我就比較鍾情隆記。座得又舒服，員工服務又好。女孩子食午餐經常都覺得好多飯，食唔晒有點可惜。所以我多數都點特餐、常餐個d，唔好嘥野！喜歡這個特餐(鮮茄牛腩粒湯通粉+太陽蛋+牛油扒多士), 蕃茄湯濃郁開胃，好岩呢排悶熱到唔想食野既天氣！喜歡啜太陽蛋個蛋黃出來感覺好得意！牛油多士厚到成塊扒咁，黃金香脆牛油又足夠好好食！最令我覺得開心既係餐廳周圍都提示，只要影食物相於facebook打卡同like佢個page，就可以有全單9折，即時感覺好抵！