影片
更多
2023-08-21
63 瀏覽
📍SUN HARU(旺角)旺角通菜街1A-1L號威達商業大廈地下E及F號舖今日同妹妹帶埋媽咪出嚟旺角行街，晚餐時段行到嚟呢條食肆林立嘅通菜街覓食，見呢間韓國料理門外咁多人，一睇就知係好食，我地都唔執輸，要拎籌排隊，地方雖然迫啲，但嘢食好味，足以彌補返呢小小嘅不足🤟🏾👉2-3人餐 💰$368🩵- 無骨炸雞半隻可揀有骨或無骨，我地比較懶，鐘意一口咬落去啖啖肉就揀咗無骨，炸粉唔會太厚，咬落好金香鬆脆，雞肉仲好嫩滑多汁，啲汁多到咬落去彈到去阿妹度，真係要小心，揀咗甜辣味，都幾夠辣，好惹味，會係食唔停個感覺，小心會食完再叫嚟食🩵海鮮煎餅煎餅裡夾住滿滿嘅海鮮，食得出有魷魚圈、蝦仁、青口、蟹肉等等，全部都好鮮甜，食落仲好新鮮爽口，煎餅唔會太厚皮，仲煎到有微焦，脆脆地，幾香口-🩵五花腩炸醬麵第一次食呢款炸醬麵，個感覺又幾唔錯，醬汁幾濃味伴上看似油麵嘅麵條，煙煙韌韌，幾好咬。五花腩炆到好林好入味，有少許肥，食落有骨膠原感覺，阿妹聽到就即刻食多兩舊-🩵泡菜腩肉湯跟飯可以係我最鐘意食嘅韓國料理之一，泡菜湯煮到腩肉都好入味，腩肉又唔會煮過龍，仲有豆腐同洋蔥，將啖飯放埋湯加餸一啖擺入口，真係好滿足，辣辣地又易入
旺角通菜街1A-1L號威達商業大廈地下E及F號舖
今日同妹妹帶埋媽咪出嚟旺角行街，晚餐時段行到嚟呢條食肆林立嘅通菜街覓食，見呢間韓國料理門外咁多人，一睇就知係好食，我地都唔執輸，要拎籌排隊，地方雖然迫啲，但嘢食好味，足以彌補返呢小小嘅不足🤟🏾
👉2-3人餐
💰$368
🩵- 無骨炸雞半隻
可揀有骨或無骨，我地比較懶，鐘意一口咬落去啖啖肉就揀咗無骨，炸粉唔會太厚，咬落好金香鬆脆，雞肉仲好嫩滑多汁，啲汁多到咬落去彈到去阿妹度，真係要小心，揀咗甜辣味，都幾夠辣，好惹味，會係食唔停個感覺，小心會食完再叫嚟食
🩵海鮮煎餅
煎餅裡夾住滿滿嘅海鮮，食得出有魷魚圈、蝦仁、青口、蟹肉等等，全部都好鮮甜，食落仲好新鮮爽口，煎餅唔會太厚皮，仲煎到有微焦，脆脆地，幾香口
-🩵五花腩炸醬麵
第一次食呢款炸醬麵，個感覺又幾唔錯，醬汁幾濃味伴上看似油麵嘅麵條，煙煙韌韌，幾好咬。五花腩炆到好林好入味，有少許肥，食落有骨膠原感覺，阿妹聽到就即刻食多兩舊
-🩵泡菜腩肉湯跟飯
可以係我最鐘意食嘅韓國料理之一，泡菜湯煮到腩肉都好入味，腩肉又唔會煮過龍，仲有豆腐同洋蔥，將啖飯放埋湯加餸一啖擺入口，真係好滿足，辣辣地又易入口
- 🩵小食
有餃子、鮮蝦角、帶子、紫薯、粟米餅、薯餅，全部都炸到金香可口，新鮮熱辣，樣樣都咬一啖試下，全部都好食
- 🩵飲品
叫咗三杯都係凍檸茶，茶底夠香，檸檬新鮮，有茶餐廳味道，好解油膩
張貼
