影片
更多
2025-03-05
0 瀏覽
#元朗#雲家話說小弟鍾意食米線，全因16年前認識了現在的太太。佢當年係石蔭返工，我每週有兩三日搵佢食lunch，附近有一間米線老店，自此愛上呢種酸辣嘅味道。四年前，機緣巧合開咗香港米線關注組，先發現原來好多香港人鍾意食米線，發展至今已經有26萬位谷友。香港嘅米線舖頭，除咗某上市大集團和大x樂集團的米線x外，最多分店嘅應該係雲桂香（以前叫雲南桂林過橋米線，黃色招牌藍色字，現用此名只剩旺角和尖沙咀兩間）。與雲桂香一脈相承、味道相若的舖頭，有荃灣+元朗雲家、石蔭雲南小窩米線、尖沙咀雲香園、紅磡貴緣（已結業，現大角咀和北角貴緣不知是否同一老闆，有待各位網友考究），仲有屯門華都商場雲南小鍋米線。傳說中上述舖頭的祖師爺，是出自於荃灣路德圍老店，再由徒子徒孫發揚光大，推陳出新。入返正題，新界西元天屯地區，小弟最常幫襯嘅係元朗雲家。太太想食米線，首選呢間。招牌腩肉大腸份量多，冬菇都好食。湯底濃，酸辣夠層次。記得叫爽米，否則米線會太淋。兩人必點涼拌墨魚頭，墨魚頭爽脆，熟蒜香而不辣，拌以醋汁，另有風味。兩人飽腹而回，大大滿足，只係二百蚊有找。無論山珍海味、平民美食，最重要係合拍的另一半
#雲家
話說小弟鍾意食米線，全因16年前認識了現在的太太。佢當年係石蔭返工，我每週有兩三日搵佢食lunch，附近有一間米線老店，自此愛上呢種酸辣嘅味道。
四年前，機緣巧合開咗香港米線關注組，先發現原來好多香港人鍾意食米線，發展至今已經有26萬位谷友。
香港嘅米線舖頭，除咗某上市大集團和大x樂集團的米線x外，最多分店嘅應該係雲桂香（以前叫雲南桂林過橋米線，黃色招牌藍色字，現用此名只剩旺角和尖沙咀兩間）。
與雲桂香一脈相承、味道相若的舖頭，有荃灣+元朗雲家、石蔭雲南小窩米線、尖沙咀雲香園、紅磡貴緣（已結業，現大角咀和北角貴緣不知是否同一老闆，有待各位網友考究），仲有屯門華都商場雲南小鍋米線。
傳說中上述舖頭的祖師爺，是出自於荃灣路德圍老店，再由徒子徒孫發揚光大，推陳出新。
入返正題，新界西元天屯地區，小弟最常幫襯嘅係元朗雲家。太太想食米線，首選呢間。
招牌腩肉大腸份量多，冬菇都好食。湯底濃，酸辣夠層次。記得叫爽米，否則米線會太淋。
涼拌墨魚頭
0 瀏覽
0 讚好
0 留言
兩人必點涼拌墨魚頭，墨魚頭爽脆，熟蒜香而不辣，拌以醋汁，另有風味。
兩人飽腹而回，大大滿足，只係二百蚊有找。無論山珍海味、平民美食，最重要係合拍的另一半🫶🏻
張貼
