正九清湯腩 (常安樓)

營業中

休息中

自從前排媽咪炆完牛腩之後，呢排成日都好想食牛腩。咁啱經過油麻地見到間正九清湯腩又去試下先。 清湯牛腩米粉🐮：牛腩整齊排列，爽口軟稔，加$8可以升級崩沙腩／坑腩／爽腩，今次試咗佢哋嘅崩沙腩，比一般牛腩更加爽軟，充滿油香，而且唔會太肥膩。湯底濃淡得宜，帶陣陣牛香味。另外，加多$8有雲吞2粒，啲雲吞都幾大粒，餡料豐富。 師傅仲細心地將香葱用匙羹分開裝，方便啲唔食葱嘅客人。 湯沙牛三寶河🐮：牛三寶有牛腩、牛筋、牛肚，普通牛腩絕對唔會比崩沙腩差，同樣好夠稔；牛筋軟硬適中，Q彈有嚼勁；牛肚爽滑，牛三寶無得輸呀！河粉夠滑，另加$6要埋墨魚丸，食落有墨魚粒，煙韌彈牙。