如意正餐

營業中

休息中

起初就係俾佢嘅木桶飯所吸引，而且價錢大眾款式都多，買返屋企試吓先。眼見喺店裏食嘅話真係一個木桶上架，外賣嘅話，飯同餸係分開放。買咗農家回鍋肉飯，幾特別喎！真係唔同平時食開嘅回鍋肉，係用青椒配搭，唔會太辣，好惹味，肉又唔會太肥。再試吓特色三汁燜鍋系列，揀咗排骨炆鍋，份量好多喎，配菜係薯仔而且好入味。因為怕唔夠飽，再嗌多個豬肉白菜煎餃，又係勁抵食。總括嚟講呢一餐好有媽媽嘅味道，真係街坊餸。食厭咗兩餸飯，咁就可以多一間外賣選擇啦。