影片
更多
2022-05-10
350 瀏覽
而家好似好興加個鳥籠加卡😂見到呢間沙田店平日下午限定嘅抵食嘅tea set，做港女打下卡都唔會太肉赤🤣🍽食物👉🏻獨享時光 $88 6.5/10個tea set有2件鹹點，4件甜點：鹹點係牛油果雞肉多士同巴馬火腿露筍多士。多士係涷嘅同埋放得太耐有啲淋，不過味道正常唔伏嘅。甜嘅會放係鳥籠入面，加左鳥籠之後好似升格左😂分別有手工馬卡龍、焦糖咖啡撻、伯爵茶雲卷同瑪德蓮蛋糕，味道都係正正常常😂其中係伯爵茶雲卷賣相幾特別，蛋糕唔算好鬆軟不過有淡淡嘅伯爵茶味，同埋唔係好甜算比較清淡嘅一款；焦糖咖啡撻個撻皮都係好似放得耐而變淋個種感覺🫠；手工馬卡龍唔記得影close up shot😂都係甜到漏個隻👉🏻照燒雞扒凱薩沙律 $58 6.5/10好正常嘅沙律😂 雞扒燒過但唔算有焦香，不過肉質唔鞋，沙律菜都係新鮮嘅，有麵包粒令口感豐富啲👉🏻百香果茉莉果茶 $42 7/10淡淡嘅茉莉花茶同埋有百香果粒增加香氣，飲完可以叫員工refill熱茶，算係CP值幾高⛩環境👍🏻全店以藍色同木色做主調，感覺好舒服，天花板仲有好多乾花做裝飾，門口仲有個打卡位👉🏻枱同枱之間隔得幾近，同埋張枱唔算大，叫多少少野都放得有啲迫💁🏼♀️服
🍽食物
👉🏻獨享時光 $88 6.5/10
個tea set有2件鹹點，4件甜點：鹹點係牛油果雞肉多士同巴馬火腿露筍多士。多士係涷嘅同埋放得太耐有啲淋，不過味道正常唔伏嘅。
甜嘅會放係鳥籠入面，加左鳥籠之後好似升格左😂分別有手工馬卡龍、焦糖咖啡撻、伯爵茶雲卷同瑪德蓮蛋糕，味道都係正正常常😂其中係伯爵茶雲卷賣相幾特別，蛋糕唔算好鬆軟不過有淡淡嘅伯爵茶味，同埋唔係好甜算比較清淡嘅一款；焦糖咖啡撻個撻皮都係好似放得耐而變淋個種感覺🫠；手工馬卡龍唔記得影close up shot😂都係甜到漏個隻
👉🏻照燒雞扒凱薩沙律 $58 6.5/10
好正常嘅沙律😂 雞扒燒過但唔算有焦香，不過肉質唔鞋，沙律菜都係新鮮嘅，有麵包粒令口感豐富啲
👉🏻百香果茉莉果茶 $42 7/10
淡淡嘅茉莉花茶同埋有百香果粒增加香氣，飲完可以叫員工refill熱茶，算係CP值幾高
⛩環境
👍🏻全店以藍色同木色做主調，感覺好舒服，天花板仲有好多乾花做裝飾，門口仲有個打卡位
👉🏻枱同枱之間隔得幾近，同埋張枱唔算大，叫多少少野都放得有啲迫
💁🏼♀️服務
👍🏻店員服務態度正常
📝總評 6.5/10
全篇文最多嘅評語就係「正常」😂全部野食嘅味道都好冇記憶點，但都唔係伏，咁樣對餐廳嚟講都唔知算係好評定劣評😂但係做到樣樣都咁平均嘅餐廳都唔容易，因為伏嘅嘢實在太多。我諗佢哋可取嘅係價錢唔貴但又可以享用港女tea set，其他下午茶都算經濟實惠，同朋友聚會傾下計都唔錯嘅，不過就住食物質素就試一次就夠嚕😗
👛人均消費 ~$100 (連加一服務費)
⏱冇限時
張貼
