影片
更多
2024-06-07
301 瀏覽
餐廳：發記海鮮酒家(西貢)地址：西貢清水灣布袋澳碼頭7A號舖一到假日，香港人就好鍾意去唔同嘅郊區遊山玩水⛰️，我都唔例外，今次喺寶琳坐16號小巴去到布袋澳邨總站🚌，落咗車行入邨就見到呢間由蜑家人開咗五十幾年嘅發記海鮮酒家，話晒都喺老字號亦喺香港最歷史悠久嘅海鮮酒家之一，難得入到嚟緊喺幫襯食吓海鮮🦞，食飽再由布袋澳沿山路行返出將軍澳，遠離一吓煩囂嘅人群，沿途欣賞自然風光景色🏞️發記主打新鮮海鮮美食🦐，所有菜式都喺即叫即劏即整，客人仲可以喺佢哋嘅水缸揀自己鍾意嘅生猛海鮮，再按照自己嘅喜好要求餐廳蒸/炒/煮/炸。值得一提呢度嘅職員都喺土生土長嘅村民，除咗充滿親和力同人情味之外，位於海邊嘅餐廳仲可以俾你喺食嘢嘅同時欣賞到恬靜宜人嘅海景🌊✝️豉椒炒大蟶子 $1608兩爽甜蟶子肉，加咗豆豉、燈籠椒、洋蔥去炒香🔥，另外仲有腸粉伴碟，豐富得嚟夠晒惹味✝️蒜蓉粉絲蒸元貝 $70兩隻元貝唔算大粒，但咬落清甜飽滿，用咗蒜蓉同粉絲去蒸，加埋香蔥去辟腥，粉絲吸收晒元貝嘅精華確實一流🤤✝️果皮蒸鮑魚 $70大大隻嘅鮑魚非常彈牙，雖然個人就唔喺好鍾意果皮嘅味道，但加咗少少豉油的確有提鮮作用，而且一啲腥味都無👍✝️清蒸瀨尿蝦 $
地址：西貢清水灣布袋澳碼頭7A號舖
一到假日，香港人就好鍾意去唔同嘅郊區遊山玩水⛰️，我都唔例外，今次喺寶琳坐16號小巴去到布袋澳邨總站🚌，落咗車行入邨就見到呢間由蜑家人開咗五十幾年嘅發記海鮮酒家，話晒都喺老字號亦喺香港最歷史悠久嘅海鮮酒家之一，難得入到嚟緊喺幫襯食吓海鮮🦞，食飽再由布袋澳沿山路行返出將軍澳，遠離一吓煩囂嘅人群，沿途欣賞自然風光景色🏞️
發記主打新鮮海鮮美食🦐，所有菜式都喺即叫即劏即整，客人仲可以喺佢哋嘅水缸揀自己鍾意嘅生猛海鮮，再按照自己嘅喜好要求餐廳蒸/炒/煮/炸。值得一提呢度嘅職員都喺土生土長嘅村民，除咗充滿親和力同人情味之外，
位於海邊嘅餐廳仲可以俾你喺食嘢嘅同時欣賞到恬靜宜人嘅海景🌊
✝️豉椒炒大蟶子 $160
8兩爽甜蟶子肉，加咗豆豉、燈籠椒、洋蔥去炒香🔥，另外仲有腸粉伴碟，
豐富得嚟夠晒惹味
✝️蒜蓉粉絲蒸元貝 $70
兩隻元貝唔算大粒，但咬落清甜飽滿，用咗蒜蓉同粉絲去蒸，加埋香蔥去辟腥，
粉絲吸收晒元貝嘅精華確實一流🤤
✝️果皮蒸鮑魚 $70
大大隻嘅鮑魚非常彈牙，雖然個人就唔喺好鍾意果皮嘅味道，但加咗少少豉油的確有提鮮作用，而且一啲腥味都無👍
✝️清蒸瀨尿蝦 $210
6兩重嘅瀨尿蝦，最好食一定喺清蒸食佢嘅鮮味🦐，
拆開蝦殼見到啖啖肉，就咁食相當滋味，蘸醋食更添風味，店員仲好好咁俾埋鉸剪方便剝殼添✂️
✝️海膽炒飯 $250
海膽喺餐廳自己人喺海打撈上嚟新鮮即開即拆肉再拎去炒飯，望落呢碟飯見到勁多海膽肉已經知非常足料👏，炒飯炒到粒粒分明，唔會好濕，加咗蔥花同蛋花更加能夠凸顯出海膽嘅鮮香美味😋
最後叫咗碟豆豉鯪魚炒油麥菜($68)，今餐真喺可以話喺一餐能夠避世享受當下，又夠晒豐盛嘅海鮮餐😌
張貼
