炑八韓烤 (偉華中心) (已結業)

同老公一個月一次嘅約會，今次揀咗呢間韓燒，真係食完又食，招牌燒韓牛好味，而家仲同魷魚遊戲聯乘推出一系列期間限定食品及獨家周邊精品，餐廳員工會着住魷魚遊戲裏面嘅衫，又播劇入面嘅音樂，幾有feel 🤣-特級牛肋骨係必食之選，一整條需要自己用鉸剪剪開，味道甘香，肉嫩柔軟-韓牛貝身肉第一次貝身肉，原來係屬於牛腹與菲力之間嘅部位，形狀好似貝類，油脂分布平均，有霜降紋理，入口嫩滑又帶肉汁，令人回味無窮-炑八厚切五花腩原條肥瘦均勻嘅五花腩，豬肉味濃厚，鍾意燒到焦邊，然後點醬汁包生菜同泡菜一齊食，超滿足-芝士熔岩飯海量芝士滿佈嘅泡菜炒飯，店員哥哥會幫忙代炒，入口全部都係芝士，不過都係食唔晒，要外賣返屋企-夾心棉花糖配朱古力威化餅呢個係超邪惡嘅甜品，燒溶棉花糖然後夾住朱古力威化餅，口感一流，不過罪惡感多到呢，冇quota嘅我只係可以食一塊-馬格利生米酒自己一個人飲晒🤪要飲一定係飲原味，最好飲-冰涼薄荷乳酸梳打呢個老公嘅，佢冇評價🤣