影片
更多
2016-09-11
1281 瀏覽
換咗手咁耐，都只係去過幾次。但係次次都係食到一肚氣。講真，食物味道係唔差，但係來到我哋枱，一定係唔係熱辣辣嘅，好似放咗好耐，凍晒咁。都唔緊要啦，啲食物唔係熱辣辣，但係我哋都要等咗最少半個鐘。咁其實啲食物放咗喺度幾耐等人拿出去真係唔知道。食物嘅溫度同上菜速度慢都唔緊要。最差係啲侍應嘅態度!! 有次我哋去，啲侍應竟然鬧我哋，話開茶唔早啲講，搞到佢要行多幾次。見到對面搭枱嘅茶客誤會自己點咗某啲食物，上菜阿姐竟然發脾氣，掟紙仔同佢哋大聲講：你哋根本都冇叫過!! 今日我哋再去飲早餐，又係一肚氣。話說我哋9點幾去到，落完單，啲嘢食成半個鐘都唔嚟，重要嚟到係凍嘅，我都算喇。食食下，啲嘢都未嚟齊，個侍應阿姐就走埋嚟問我哋10：45走得未？初初諗住早茶時間完，所以要我哋埋單先。點知佢跟住話：如果你哋未食完，一係移過隔離枱。當時我一望，隔離同我哋張枱都係西方四人枱，做咩要我哋搬來搬去？再講，我哋啲嘢都未嚟齊，做咩要我哋走？我哋隔離又係有張一模一樣嘅枱，做咩唔叫佢哋移，反而要我哋移？跟住個阿姐就好搞笑咁答我：因為我哋要食飯。。。。我當時真係火都嚟。你哋食飯還食飯，有乜理由要個茶客去就你哋？更何況我哋又未食完
食物嘅溫度同上菜速度慢都唔緊要。最差係啲侍應嘅態度!! 有次我哋去，啲侍應竟然鬧我哋，話開茶唔早啲講，搞到佢要行多幾次。見到對面搭枱嘅茶客誤會自己點咗某啲食物，上菜阿姐竟然發脾氣，掟紙仔同佢哋大聲講：你哋根本都冇叫過!! 今日我哋再去飲早餐，又係一肚氣。話說我哋9點幾去到，落完單，啲嘢食成半個鐘都唔嚟，重要嚟到係凍嘅，我都算喇。食食下，啲嘢都未嚟齊，個侍應阿姐就走埋嚟問我哋10：45走得未？初初諗住早茶時間完，所以要我哋埋單先。點知佢跟住話：如果你哋未食完，一係移過隔離枱。當時我一望，隔離同我哋張枱都係西方四人枱，做咩要我哋搬來搬去？再講，我哋啲嘢都未嚟齊，做咩要我哋走？我哋隔離又係有張一模一樣嘅枱，做咩唔叫佢哋移，反而要我哋移？跟住個阿姐就好搞笑咁答我：因為我哋要食飯。。。。我當時真係火都嚟。你哋食飯還食飯，有乜理由要個茶客去就你哋？更何況我哋又未食完，一碟碟仲係完整，有乜理由咁樣安排？ 跟住過咗十分鐘，個阿姐見我哋冇反應，就向隔離張枱埋手，又問：你哋十分鐘走得未？ 個阿叔好好人話：應該得嘅，知道11點前要交枱，我哋知架啦。後尾個阿姐繼續話：一係你移去果度啦，我哋要食飯。個阿叔真係好人，即刻一家大細移過去。但係我真係繼續火都嚟。因為隔離枱有個行動唔方便嘅婆婆。就係為咗佢哋要食飯，以為要移黎移去。真係有冇搞錯。其實講真，你要我移，如果我啱啱坐落，嘢食又未嚟嘅話，我真係唔介意。但係一枱都係嘢，都食咗一半，又有點心未嚟，做咩要移比佢？
我真係未見過有茶樓啲服務態度係咁。依次真係第一次。有得揀我真係唔再去囉!!
張貼