影片
更多
2019-08-21
900 瀏覽
巧手製作 - 抵食又好味😊懶得去酒樓拎位但又想食點心做早餐, 於是就去左巧手製作到買外賣長期都有人排隊, 但姨姨們好快手, 唔駛等好耐就有得拎走 鳳爪排骨飯 ($16) - 原來每日都有1-2款特價蒸飯 (原價$20)呢個年頭好難搵到十幾蚊一個飯, 仲平過便利店既叮叮飯, 超抵仲要係新鮮蒸起, 我拎到返屋企仲Keep住熱嫁! 我覺得仲好味過係酒樓食甜豉油會另外俾你, 唔會浸淋晒D飯, 抵讚👍🏻叉燒腸粉 ($19) - 係櫃筒腸粉, 一落order就見姨姨倒d粉漿入櫃筒到蒸食落都算幾滑, 唔錯既糯米雞 ($18) - 好大隻, 入面亦都超足料, 冬菇, 火腿...最西利係有原隻雞翼飽肚之選!鮮竹卷 ($14) 有3件, 炸過既腐皮包左紅蘿蔔絲, 肉碎, 木耳絲等等...D餡吸左醬汁好入味又幾有咬口燒賣 ($14) - 去親酒樓都一定會嗌既點心, 14蚊有4粒...咬落幾彈牙, 有酒樓食既味道, 下次要買多份先!🤩另外買多3個飽做下午茶巧手既飽全部都軟綿綿, 唔會乾唔會硬仲要有好多選擇, 鍾意食咸定甜都一定會揀到款岩食既👌🏻沙嗲牛肉飽 ($5.5) - 平時好少見呢款飽, 食落幾特別幾香口
懶得去酒樓拎位但又想食點心做早餐, 於是就去左巧手製作到買外賣
長期都有人排隊, 但姨姨們好快手, 唔駛等好耐就有得拎走
鳳爪排骨飯 ($16) - 原來每日都有1-2款特價蒸飯 (原價$20)
呢個年頭好難搵到十幾蚊一個飯, 仲平過便利店既叮叮飯, 超抵
仲要係新鮮蒸起, 我拎到返屋企仲Keep住熱嫁! 我覺得仲好味過係酒樓食
甜豉油會另外俾你, 唔會浸淋晒D飯, 抵讚👍🏻
叉燒腸粉 ($19) - 係櫃筒腸粉, 一落order就見姨姨倒d粉漿入櫃筒到蒸
食落都算幾滑, 唔錯既
糯米雞 ($18) - 好大隻, 入面亦都超足料, 冬菇, 火腿...最西利係有原隻雞翼
飽肚之選!
鮮竹卷 ($14) 有3件, 炸過既腐皮包左紅蘿蔔絲, 肉碎, 木耳絲等等...D餡吸左醬汁好入味又幾有咬口
燒賣 ($14) - 去親酒樓都一定會嗌既點心, 14蚊有4粒...
咬落幾彈牙, 有酒樓食既味道, 下次要買多份先!🤩
另外買多3個飽做下午茶
巧手既飽全部都軟綿綿, 唔會乾唔會硬
仲要有好多選擇, 鍾意食咸定甜都一定會揀到款岩食既👌🏻
沙嗲牛肉飽 ($5.5) - 平時好少見呢款飽, 食落幾特別幾香口
香菇雞肉飽🍄($5.5) - 食落D冬菇好香, 令我諗起北菇蒸雞😆 唔錯!
香芋飽 ($4.5) - 有好多芋泥, 食得出係真材實料又唔會過甜, 好好味
張貼
