Brew Dog Coffee Co.

營業中

休息中

呢間小店係新蒲崗既萬迪廣場上條扶手電梯1樓，絕對係工業區既cozy place，最多客人黎外帶咖啡。我地就坐左係度慢慢嘆，見到除左咖啡都有野食，所以坐坐下就順便食埋dinner。蟹膏濃蝦汁虎蝦蟹肉意大利飯 ，原來佢係用米形粉整，食落好感好得意亦唔會膩，同時吸到好多汁，真係有豐富海鮮感。羅勒濃蝦汁虎蝦扁意粉，煮完唔會有多餘既醬汁，基本已經掛晒上意粉亦唔會好乾，意粉好彈牙，4隻虎蝦啖啖肉，彈牙新鮮。呢度有開心果咖啡latte，即刻叫黎試下，好正，堅果味濃，舖面有少少果粒，好有層次既味道，甜度係我鍾意既味道唔會苦，但又有咖啡香氣。厚椰奶咖啡latte，椰奶味有香氣好自然唔會好甜，帶出香濃既咖啡味，同樣飲落都好順口。