雲貴川

營業中

休息中

之前朋友一直力推呢間川菜，今日終於經過附近，不過今日太飽所以就嗌咗啲小食就算。🐓💦口水雞望落都大碟豐富啖啖肉。肉同汁都好正。雞肉都算好鮮嫩唔會話鞋口。個汁嘅辣度我係非常滿意，夠曬辣但又唔會話太激。兩者嘅配合係非常好。🍤吉列蝦望落其實比較清脆唔算好油。雖然三嚿好似少咗啲，不過味道都算唔錯嘅，又唔會話好多粉。🍥炸魚片頭魚片頭真係一個好正嘅部位。嗌咗幾嚿過下口癮。味道都算幾好，唔會話炸得好油。🐷👂紅油豬耳好鍾意食豬耳所以我都忍唔住嗌咗一碟。呢度嘅紅油配合豬耳簡直係絕配。豬耳真係好入味好爽口，嗰種辣度我真係好鍾意。兩杯凍飲拍左照留念，不過不失，解辣ok🤣。