川滿居 (京都廣場)

營業中

休息中

身為川菜愛好者，今次專登去銅鑼灣「川滿居」試吓佢哋嘅水準，結果令人滿意！ 主角金湯酸菜魚果然名不虛傳，湯底酸辣平衡，魚肉鮮嫩，仲有大量酸菜同萵筍，撈埋湯一齊食，滋味無窮！ 頭盤大盤花菜，花菜配上肉片，炒得爽脆又好夠獲氣，微辣帶香。麻辣香鍋，自己揀自己鐘意嘅配料，醬汁都有麻辣、香辣、醬香（唔辣）三款選擇，個汁好惹味，送飯一流！ 孜然牛肉配麼麼皮有驚喜，牛肉醃得入味，牛肉炒得香口，孜然味突出，用麼麼皮包住食，口感豐富。 飲品方面，凍青島啤酒只係$28枝，仲要跟凍杯，同酸梅湯都係解辣良伴，尤其酸梅湯酸甜冰涼，瞬間降溫。 甜品紅糖糍粑外脆內糯，紅糖香甜，為呢餐畫上完美句號。