燒烤堂

營業中

休息中

每次想食串燒，第一時間都會諗起燒烤堂，呢度串燒竟然有川式、韓式、日式等過百款，基本上可以照顧晒所有人嘅口味😎今次第二次食燒烤堂，上次銅鑼灣分店，今次就試吓筲箕灣分店，兩間氣氛完全唔同，呢間就感覺小店模式溫馨啲👍🏻川燒蒜蓉茄子 ⭐️⭐️⭐️⭐️⭐️嚟食串燒點可以唔叫原條茄子，茄子有分川色或孜然口味，川色辣度幾強勁㗎，啱晒重口味鍾意食辣嘅我😎韓式燒惹味牛肋肉 ⭐️⭐️⭐️⭐️⭐️甜甜地嘅牛肋肉係我嘅推介之選，上次前後食咗三串，今次唔執輸都嗌咗兩串，牛肋肉燒得軟腍，依然係水準之作！厚切鹽燒牛舌拖羅 ⭐️⭐️⭐️⭐️⭐️牛吞拖羅真係好正，入口好彈牙但好易咬開，鹽燒簡簡單單但係真係好正❣️秘製燒羊架 ⭐️⭐️⭐️⭐️⭐️呢個又係必要之選，羊架size大大嚿，燒完之後雖然油脂充足，但係唔會感覺好肥膩！鹽燒豚肉荔枝卷 ⭐️⭐️⭐️⭐️⭐️脆口荔枝燒過後之後更加甜，夾埋豚肉食感覺好新奇但係又好夾，同行友人都大讚！焦糖青蘋果鵝肝多士 ⭐️⭐️⭐️⭐️⭐️朋友上次食過話好正今次一定要encore，果然冇介紹錯，淨係睇賣相已經好吸引，甜甜嘅青蘋果配埋鵝肝，連埋多士一齊擺入口勁滿足🤤檸蜜牛油包 ⭐️⭐️⭐️⭐️⭐️每次食燒烤堂一定會用呢個作結尾，牛油包燒到脆卜卜，加埋大大舊牛油配