雲海滙

營業中

休息中

屋企人話有新酒樓，臨走出去試吓，點知去到嘅時候見到原來係囍慶集團，早知就唔使出嚟咁遠。話雖如此，我有覺得呢一間好食過科學園嗰間囍慶。呢度有皮嘅嘢都比較薄，叉燒酥、腸粉覺得佢整得幾好食，又多餡料。另外新開張有優惠，個乳鴿兩隻好似都係五十幾蚊，啲肉嫩得來亦都唔會太鹹。個肉骨茶鮮竹卷，係幾特別，但係藥材味唔算重。豬手個賣相都唔錯，都起碼見到有肉食唔會剩係得啲骨。個沙茶牛肉炒河粉，雖然唔係好靚仔，但個味係正常嘅，如果個芡汁薄返少少就好啦。仲有個黃金蝦都足料又夠味，性價比幾高！事次用餐事自費。