聚福樓 (已結業)

住係大西北咁耐，去屯元天搵好野食係基本，平時去元朗就去得多，今日一於出屯門搵食。「聚福樓」，一聽個名仲以為係食中餐，但其實係一間西餐小店，餐廳有室內及室外座位可以選擇，有毛孩嘅朋友可以坐室外。聚福樓性感沙律 : 沙律菜好新鮮，食落非常清新，配上士多啤梨及雜莓，味道酸酸甜甜，加埋黑醋汁，作為前菜相當開胃。怕咩姐小雞雞 :重量級的炸雞排漢堡，雞排食落有d似鹽酥雞，配上秘製辣醬，辣得黎好惹味；薯條份量相當多，值得一讚嘅配菜有沙律菜，食完咁多炸野後，食返d沙律菜可以消除油膩感。約翰福朗-消失的麵包 :好豐富嘅甜品，除左有兩大塊西多士外，仲有馬卡龍、雪糕、黑糖珍珠及藍莓，西多士口感鬆軟，味道唔太甜，雪糕係曲奇味，配上西多士一熱一凍，感覺好爽。Earl Grey + Jasmine Green Tea :原本以為係簡單嘅一杯茶，但上檯時有好大驚喜，因為茶具真係好靚，食完飯嘆返杯茶，為我地嘅晚餐畫上完美句號。