影片
更多
2025-04-04
18 瀏覽
➊ 🍜 鮮蝦雲吞撈粗 $66冰室最近做緊撈粗野系列，姐係撈粗麵，簡直就係撈乜都掂😛 粗麵乾爽彈牙，鹼水味輕，配上特製嘅醬汁撈完之後十分入味。佢重要有六款唔同嘅撈麵，有豬潤、叉燒、魚片頭、南乳豬手、薑蔥牛肉、鮮蝦雲吞可供選擇。今次揀咗我鍾意嘅鮮蝦雲吞，唔好以為好普通，佢一啲都唔失色，有六大隻雲吞，入邊嘅鮮蝦又大隻又新鮮🦐 佢碗鮮蝦雲吞湯係另上，推薦大家記住喺食撈麵之前將啲麵過一過個湯，成碗麵嘅味道就更上一層樓😝..➋ 🍤芝心蝦多士 $72我見呢個係冰室其中一款好出名嘅小食。一塊正方形嘅多士中間加入溶化咗嘅芝士，上面鋪上新鮮嘅蝦滑，味道層次極之豐富😙 再點埋佢嘅自製沙律醬，食嘅時候可以大大減少油膩嘅感覺。一共有六大件，可以同朋友分享。..➌ 🥩 西冷牛扒餐 $128嚟得冰室，當然唔少得佢哋主打嘅鐵板燒。牛扒就最容易試到一間餐廳嘅質素，所以我都專登叫咗份。西冷牛扒叫咗五成熟，我就覺得啱啱好。牛肉多汁，肉質鮮嫩，味道香濃，而且都唔細塊。佢可以揀黑椒汁、燒烤汁、或者蒜蓉汁。鐵板燒仲會配上勁大份嘅薯條🍟 烤番茄🍅 同埋西蘭花🥦 個餐會包一個西湯同埋一杯飲品。..➍ 🐯 老虎雜扒餐 $108如果大家
➊ 🍜 鮮蝦雲吞撈粗 $66
冰室最近做緊撈粗野系列，姐係撈粗麵，簡直就係撈乜都掂😛 粗麵乾爽彈牙，鹼水味輕，配上特製嘅醬汁撈完之後十分入味。佢重要有六款唔同嘅撈麵，有豬潤、叉燒、魚片頭、南乳豬手、薑蔥牛肉、鮮蝦雲吞可供選擇。今次揀咗我鍾意嘅鮮蝦雲吞，唔好以為好普通，佢一啲都唔失色，有六大隻雲吞，入邊嘅鮮蝦又大隻又新鮮🦐 佢碗鮮蝦雲吞湯係另上，推薦大家記住喺食撈麵之前將啲麵過一過個湯，成碗麵嘅味道就更上一層樓😝
.
.
➋ 🍤芝心蝦多士 $72
我見呢個係冰室其中一款好出名嘅小食。一塊正方形嘅多士中間加入溶化咗嘅芝士，上面鋪上新鮮嘅蝦滑，味道層次極之豐富😙 再點埋佢嘅自製沙律醬，食嘅時候可以大大減少油膩嘅感覺。一共有六大件，可以同朋友分享。
.
.
➌ 🥩 西冷牛扒餐 $128
嚟得冰室，當然唔少得佢哋主打嘅鐵板燒。牛扒就最容易試到一間餐廳嘅質素，所以我都專登叫咗份。西冷牛扒叫咗五成熟，我就覺得啱啱好。牛肉多汁，肉質鮮嫩，味道香濃，而且都唔細塊。佢可以揀黑椒汁、燒烤汁、或者蒜蓉汁。鐵板燒仲會配上勁大份嘅薯條🍟 烤番茄🍅 同埋西蘭花🥦 個餐會包一個西湯同埋一杯飲品。
.
.
➍ 🐯 老虎雜扒餐 $108
如果大家係大胃王，嫌普通扒餐唔夠食嘅話，就一定要嗌呢個雜扒餐🤣 份量十足，成個鐵板燒包咗一塊香滑軟熟嘅雞扒🐔、一塊味道濃郁嘅豬扒🐷、一條勁厚肉嘅司華力腸🌭、同埋一塊肥瘦適中嘅煙肉🥓
張貼
