泰國婆

營業中

休息中

嚟開屯門呢頭，屯門市廣場、V city一帶本身唔算好多泰國菜嘅選擇，睇落呢間泰國婆都有一定嘅捧場客！泰式燒豬頸肉出街食泰國嘢，當然唔少得燒豬頸肉！😈外皮燒得微微焦香，非常惹味😋再配上自家製泰式酸辣醬汁，真係難以抵擋嘅美味😎鮮菠蘿海鮮炒飯好鍾意呢個配搭，無論去泰國旅遊抑或香港本地食泰國菜都成日叫嘅一個炒飯😄😁炒得乾身、粒粒分明，材料配搭亦豐富🤪泰式乾炒豬肉片河粉平時食粵菜、茶餐廳食得多炒牛河，食泰菜要食返豬肉片炒河🤣師傅炒得好夠鑊氣，調味夠吸引，食落去非常香口😀芭堤雅雞肉卷雞肉卷香脆，份量係一口小食Size，一家人嚟聚餐都可以人人都食到一件🥳泰式奶茶、黑糖龍眼冰兩杯泰國特色地道飲品，還原到泰式味道👻