壹號餐廳

營業中

休息中

星期五Happy Friday，又到晚餐時間，放左工約朋友係屯門食晚飯，聚一聚，交流下近況，分享下有咩趣事。去左屯門青善街4號康景花園地下12-24號，一間叫《壹號餐廳》的餐廳。我哋叫左薑蔥霸王雞，蜜椒薯仔牛柳粒，椒鹽鮮魷，配樽裝紅茶2支。薑蔥霸王雞，雞肉肉質嫩滑，好有鮮味，肥瘦適中，用薑蔥整仲有啲蔥油香味，正呀！蜜椒薯仔牛柳粒有紅椒，黃椒和青椒，三色椒又甜又爽口，薯仔炸過再炆煮，牛柳粒一口一粒好易入口，再灑上黑椒粒一齊炒，黑椒的香味和微微的辣味，令人食欲大增。椒鹽鮮魷新鮮即炸的魷魚炸到金黃色，新鮮熱辣，配上椒鹽，炸米粉和炸蒜粒，非常惹味。如果覺得油膩，仲可以食埋伴碟的生菜絲中和下。