影片
更多
2020-08-27
31 瀏覽
✨好耐冇同媽咪兩個出去食嘢了🥰今日適逢兩個小朋友去咗爺爺嫲嫲屋企，我就同媽咪兩個去撐枱腳✌🏻✌🏻🥳今晚唔使煮飯，可以嘆下！就帶咗媽咪食佢至愛嘅麻辣火鍋，屋企附近就有得食，好方便！鴛鴦麻辣鍋 一個皮蛋香菜 ❤️一個麻辣 一辣一清新 ，兩款都好好味 ，一個火鍋最緊要就係湯底，而呢度嘅火鍋之所以咁吸引，湯底絕對工不可沒！桂花蚌(一份) 鮮甜 爽脆 同湯底非常夾 兩個人食一份有啲唔夠喉 一人一份就差唔多 而且價錢合理鴨血(一份)好滑溜 同台灣嘅味道非常相似 同麻辣湯底就好似花無缺同小魚兒咁 簡直係絕代雙驕 缺一不可呀曉宇嫩牛肉(半份)肉如其名 嫩 彈 鮮 嫩 令人食過返尋味 果然係招牌鮮龍躉片(半份) 好滑溜 ！呢度有個好貼心嘅位 ，就係會喺海鮮上面標明煮幾多分鐘就可以食 ，令到每個人煮出嚟嘅海鮮都可以啱啱好 ，唔會太熟！乾貢菜(半份) 幾特別嘅菜 ，之前未食過，上枱嗰陣見到係完全乾爭爭，但係擺落去滾30秒，即刻變得非常爽口同滑，推介！鮮腐竹(半份) 同麻辣湯底或皮蛋湯都一樣好夾吸味，而且好健康曉宇苕粉(半份) 煙韌彈牙，好似食緊麵條型嘅芋圓咁，好得意，女仔一定好中意媽咪食得好開心，高質又近屋
好耐冇同媽咪兩個出去食嘢了🥰今日適逢兩個小朋友去咗爺爺嫲嫲屋企，我就同媽咪兩個去撐枱腳✌🏻✌🏻
🥳今晚唔使煮飯，可以嘆下！
就帶咗媽咪食佢至愛嘅麻辣火鍋，屋企附近就有得食，好方便！
鴛鴦麻辣鍋
一個皮蛋香菜 ❤️一個麻辣
一辣一清新 ，兩款都好好味 ，一個火鍋最緊要就係湯底，而呢度嘅火鍋之所以咁吸引，湯底絕對工不可沒！
桂花蚌(一份)
鮮甜 爽脆 同湯底非常夾 兩個人食一份有啲唔夠喉 一人一份就差唔多 而且價錢合理
鴨血(一份)
好滑溜 同台灣嘅味道非常相似 同麻辣湯底就好似花無缺同小魚兒咁 簡直係絕代雙驕 缺一不可呀
曉宇嫩牛肉(半份)
肉如其名 嫩 彈 鮮 嫩 令人食過返尋味 果然係招牌
鮮龍躉片(半份)
好滑溜 ！呢度有個好貼心嘅位 ，就係會喺海鮮上面標明煮幾多分鐘就可以食 ，令到每個人煮出嚟嘅海鮮都可以啱啱好 ，唔會太熟！
乾貢菜(半份)
幾特別嘅菜 ，之前未食過，上枱嗰陣見到係完全乾爭爭，但係擺落去滾30秒，即刻變得非常爽口同滑，推介！
鮮腐竹(半份) 同麻辣湯底或皮蛋湯都一樣好夾吸味，而且好健康
曉宇苕粉(半份)
煙韌彈牙，好似食緊麵條型嘅芋圓咁，好得意，女仔一定好中意
媽咪食得好開心，高質又近屋企下次要再嚟😆
張貼
