影片
更多
2022-03-16
336 瀏覽
嚟到尖沙咀K11 musea 呢間出名打卡嘅cafe食個小小嘅tea，以湖水綠色同白色雲石設計為主，幾精緻明亮，環境就唔算好大，有部份空間都用咗嚟做陳設同售賣藝術商品嘅展示架。天花燈光會時不時變嚟變去營造氣氛，整體嚟講都好適合打卡。店內周圍仲展出咗唔同藝術家嘅作品，譬如村上隆嘅招牌花花。係呢個咁充滿藝術氣息嘅環境底下嘆住美食，簡直係味覺同視覺嘅雙重享受，而且部份精品仲可以買返屋企慢慢欣賞架~ 除咗提供tea set，仲有各款輕食，沙律、吐司、意粉、甜點，咖啡、朱古力同茶，味道都不過不失，份量唔多，當下午茶都夠。最特別嘅地方係可以客製化藝術打印飲品，比客人自由選擇鐘意嘅相片打印係凍咖啡或朱古力嘅抱沫上面，不過我就冇特別為打卡而嗌😂 價錢方面位於K11內，又走高檔藝術路線所以都係意料之內偏貴，性價比唔高_➤招牌莎樂美腸薄餅 Curator style pizza🍕$78批底薄脆，尤其係邊邊位，size唔大一開四，有咸咸香香嘅莎樂美腸同芝士，配搭酸酸甜甜嘅蕃茄醬，幾開胃又唔太heavy，不過冇咩特別，我個人都係中意厚餅底多啲➤意式提拉米蘇 Tiramisu🍰$68面層灑滿朱古力粉，搭配伴碟嘅
除咗提供tea set，仲有各款輕食，沙律、吐司、意粉、甜點，咖啡、朱古力同茶，味道都不過不失，份量唔多，當下午茶都夠。最特別嘅地方係可以客製化藝術打印飲品，比客人自由選擇鐘意嘅相片打印係凍咖啡或朱古力嘅抱沫上面，不過我就冇特別為打卡而嗌😂 價錢方面位於K11內，又走高檔藝術路線所以都係意料之內偏貴，性價比唔高
_
➤招牌莎樂美腸薄餅 Curator style pizza🍕$78
批底薄脆，尤其係邊邊位，size唔大一開四，有咸咸香香嘅莎樂美腸同芝士，配搭酸酸甜甜嘅蕃茄醬，幾開胃又唔太heavy，不過冇咩特別，我個人都係中意厚餅底多啲
招牌莎樂美腸薄餅
$78
27 瀏覽
0 讚好
0 留言
➤意式提拉米蘇 Tiramisu🍰$68
面層灑滿朱古力粉，搭配伴碟嘅香燈乾，賣相吸引，手指餅鬆軟濕潤，質感似海綿蛋糕，滲透住濃濃嘅咖啡酒香，加埋creamy香滑嘅忌廉芝士，甜度剛好，仲帶少少苦澀味，推介
意式提拉米蘇
$68
16 瀏覽
0 讚好
0 留言
➤海鹽朱古力香蕉冰雪世界 Seasalt banana snow(hot)🍫❄️$68
打印咖啡唔係我杯茶🙈，叫左一杯自己想飲嘅，個名幾特別，冰雪世界似forzen，杯邊同奶泡表面都有海鹽，不過唔係幾飲得出個鹹味，仲有細細粒微焦嘅棉花糖同食用花點綴。朱古力略嫌唔夠濃，可能因為加左香蕉嘅關係偏淡，反而香蕉味幾突出，仲飲到一嚿嚿嘅香蕉蓉，叫做有啲口感，幾特別，但個人覺得一般
海鹽朱古力香蕉冰雪世界
$68
14 瀏覽
0 讚好
0 留言
_
🍽味道指數:★★★☆☆
📷環境指數:★★★☆☆
🛎服務指數:★★★☆☆
💰抵食指數:★★☆☆☆
😋推薦指數:★★☆☆☆
📍Curator
尖沙咀梳士巴利道18號Victoria Dockside K11 Musea B1樓B113C號舖
張貼
