後宮 (已結業)

有得邊唱k邊打邊爐既火鍋店，仲要*通宵營業*宜家夜晚要搵野食真係唔容易，好多食肆都早收而呢間火鍋係*通宵營業*，有後宮唔驚夜晚尖沙咀肚餓搵唔到野食啦仲要有K唱，店鋪位置係地庫位置不起眼係hotel 旁邊，望左一陣先見到，平日黎講都多客見到好多客都同老闆傾計，好多都係老闆熟客 ！睇得出回頭客多，可能人多上菜都需時等左一陣，同埋有漏單情況等得耐真係要追！醬料費$20炸蒜、生蒜、蔥、芫荽、辣椒 基本火鍋配料都有！海南椰子文昌雞鍋$288湯底加咗紅棗杞子，感覺很養生。整隻雞上再加埋椰子水倒入鍋，十分足料，滾起咗湯4分鐘就食得啦，食之前記得飲番啖湯鮮甜又開胃！特級封門柳$168餐廳係以不同牛肉部位為主，有騸牯牛，牛頸脊、吊龍、封門柳、五花趾選擇，選擇好多，用料唔會隨隨便便，牛肉好嫩滑好腍！番薯蜆$88蜆淥完加埋椰子湯底，好鮮甜，蜆肉脹卜卜！二人食啱啱好，如果一大班朋友就要叫幾碟先夠食！西洋菜苗$58西洋菜打邊爐真係會成日叫 ，營養價值豐富，屋企都會煲西洋菜豬骨湯，今次就西洋菜加椰子雞湯，十分潤肺！