⭐️ 火焰三椰雞鍋
店員會喺我哋面前將啲雞件煮熟，途中會加入酒同埋點火，喺火焰入邊繼續將雞件煮熟，極具視覺效果。然之後會分別倒入椰皇椰青椰汁雞湯，個湯飲落去清甜，我哋都飲咗幾碗，先至開始淥其他嘢。雞件嫩滑，吸晒三重椰味，層次分明。
⭐️ 招牌牛柳粒
每粒牛肉都係雪花西冷，油花似大理石紋。稍微淥一陣就食得，牛柳粒好腍，入口即化，牛香濃到爆汁，呢個必點！
⭐️ 花雕醉滑牛
一上枱就已經聞到好香嘅花雕酒味，喺滑牛嘅中間放咗杯花雕酒，可以自行將花雕酒淋上牛肉，浸一陣先至放落去個鍋，要落幾多酒可自行調校，我就比較鍾意花雕味重嘅，所以我哋全部落晒。牛肉滾10秒就食得，真係好入味，酒味好濃郁，再加埋本身湯底嘅椰香，層次感豐富！
⭐️ 鳳城水餃（半份）
鳳城水餃皮薄，餡料係豬肉＋韭菜＋蝦仁，放落三椰雞湯煮2分鐘，餃子皮變Q彈，吸晒椰奶精華，變身『椰香爆汁水餃』，咬落去爆晒汁，半份都已經好滿足！
⭐️ 荔技豚肉串
豚肉表面微焦金黃，灑上黑椒粉同海鹽，咬落去外脆內嫩，豬油香爆發，仲有淡淡荔枝果香！配埋凍檸檬片一擠，酸汁中和油膩，一串三塊食完即刻想encore！
📍 云手工火鍋店 (尖沙咀)
尖沙咀加連威老道20號瑞生尖沙咀酒店3樓
