南대門

營業中

休息中

2022年最後一日去左韓國街附近行吓順便食個豐富少少嘅午餐，揀咗有幾間分店嘅南門。幾間分店都係食韓國菜，分別只係在於有冇得燒肉。2號店主力燒肉，隔離3號店就供應小食、料理等為主。🔸牛肉拼盤B $630懶人直接揀咗個拼盤，可以每樣試少少試幾款～牛肉拼盤最平$530起，包咗四款肉加一個泡菜湯或者大醬湯。貴少少$630呢個就有醬醃特級牛肋骨、特級牛肋骨、醬醃板腱肉、牛肋骨肉。上枱時滿滿一盤肉好豐富，唔想淨食肉燒完可以配上泡菜、芽菜等材料自製生菜包，韓風感滿滿。肉類方面4款之中個人較偏好醬醃版本較入味的兩款，牛肋骨肉質軟嫩，牛味濃郁；板腱肉富嚼勁，肉汁豐富，整體肉類質素都很不錯。